શંકરાચાર્ય સરસ્વતીનું વિવાદિત નિવેદન, કહ્યું: ભાજપ કરે છે બીફની નિકાસ

Shankaracharya Avimukteshwaranand Slams BJP: જગતગુરુ શંકરાચાર્ય અવિમુક્તેશ્વરાનંદ સરસ્વતી પટના પહોંચ્યા અને ગૌહત્યા રોકવા માટે કડક કાયદો બનાવવાની વાત કરી. આ દરમિયાન તેમણે ભારતીય જનતા પાર્ટી પર પણ શાબ્દિક પ્રહારો કર્યા હતા. તેમણે કહ્યું કે ગૌરક્ષાને લઈને કાયદો બનવો જોઈએ, અમે આ મુદ્દે અનેક રાજકીય પક્ષોને જીતાડ્યા પરંતુ આજ સુધી કોઈએ કાયદો ન બનાવ્યો. તેમણે કહ્યું કે અત્યાર સુધીમાં ગૌહત્યા વિરોધી કાયદો બનવો જોઈતો હતો, પરંતુ તે ન બન્યો. જગતગુરુ શંકરાચાર્ય અવિમુક્તેશ્વરાનંદ સરસ્વતી ગૌરક્ષા આંદોલનને લઈને દેશભરમાં પ્રવાસ કરી રહ્યા છે.

ભાજપ પર સાધ્યું નિશાન
જગતગુરુ શંકરાચાર્ય અવિમુક્તેશ્વરાનંદ સરસ્વતીએ ભાજપ પર આકરા પ્રહારો કર્યા હતા. તેમણે કહ્યું કે જે લોકો ગૌરક્ષાની સૌથી વધુ વાતો કરતા હતા તેઓ આજે બીફની નિકાસ કરી રહ્યા છે. તેમણે કહ્યું કે જ્યારે હું આ આંદોલન સાથે દેશનો પ્રવાસ કરવા નીકળ્યો ત્યારે મને લાગતું હતું કે મુસ્લિમો સૌથી પહેલા મારો વિરોધ કરશે. પરંતુ ભારતીય જનતા પાર્ટી દ્વારા અમારો વિરોધ કરવામાં આવ્યો. તેઓએ મને નાગાલેન્ડ જવા ન દીધો. કહ્યું કે તમે નાગાલેન્ડ નહીં જઈ શકો.

જગતગુરુ શંકરાચાર્ય અવિમુક્તેશ્વરાનંદ સરસ્વતીએ કહ્યું કે મુખ્તાર અબ્બાસ નકવી ભારતીય જનતા પાર્ટીમાં કેન્દ્રીય મંત્રી હતા. તેમણે કહ્યું કે જેને બીફ ખાવું હોય તેને પાકિસ્તાન જવું જોઈએ, પરંતુ ભાજપના અન્ય એક નેતા, કેન્દ્રીય મંત્રીએ મુખ્તાર અબ્બાસ નકવીના નિવેદનનો વિરોધ કર્યો. મુખ્તાર અબ્બાસ નકવીને કેન્દ્રીય મંત્રી પદેથી હટાવી દેવામાં આવ્યા. પરંતુ, મુખ્તાર અબ્બાસ નકવીના નિવેદનનો વિરોધ કરનારને હજુ પણ કેન્દ્રીય મંત્રી તરીકે રાખવામાં આવ્યા છે.