અનંત-રાધિકાના પ્રી-વેડિંગમાં શાહરૂખે લગાવ્યા ‘જય શ્રી રામ’ના નારા
Shah Rukh Khan Jai Shri Ram: જામનગરમાં અનંત અંબાણી અને રાધિકા મર્ચન્ટની પ્રી-વેડિંગ પાર્ટી માટે બોલિવૂડની ટોચની હસ્તીઓ ઉમટી પડી છે. જેને લઇને ભારે ઉત્સવનો માહોલ ચાલી રહ્યો છે. બોલિવૂડના મોટા સ્ટાર્સ અનંત-રાધિકાના પ્રી-વેડિંગ બેશમાં પરફોર્મ કરી રહ્યા છે અને તેમના ડાન્સથી ઈવેન્ટના ગ્લેમરમાં વધારો કરી રહ્યા છે. આ બધાની વચ્ચે બોલિવૂડના કિંગ ખાન એટલે કે શાહરૂખ ખાને સ્ટેજ પર ‘જય શ્રી રામ’ના નારા સાથે મહેમાનોનું સ્વાગત કરીને તેમનું દિલ જીતી લીધું છે.
2 માર્ચે સંગીતની રાતે જ્યારે શાહરૂખ ખાને ‘જયશ્રી રામ’ સાથે મહેમાનોનું સ્વાગત કર્યું ત્યારે એક અલગ જ વાતાવરણ સર્જાયું હતું. શાહરૂખ ખાન મહેમાનોનું સ્વાગત કરતો અને સ્ટેજ પર ડાન્સ પરફોર્મન્સ વિશે વાત કરતો એક વીડિયો સોશિયલ મીડિયા પર વાયરલ થઈ રહ્યો છે.
મહેમાનોનું ‘જયશ્રી રામ’થી સ્વાગત કર્યું
વીડિયોમાં તમે જોઈ શકો છો કે શાહરૂખ ખાને બ્લેક કુર્તા અને પાયજામા પહેર્યા હતા. શાહરૂખ ખાન સ્ટેજ પર આવે છે અને કહે છે, ‘જય શ્રી રામ’.” ભગવાન તમને બધાને આશીર્વાદ આપે. તમે ડાન્સ પરફોર્મન્સ જોયું હશે. “ભાઈઓએ ડાન્સ કર્યો છે, બહેનોએ ડાન્સ કર્યો છે… પરંતુ પ્રાર્થના અને આશીર્વાદ વિના આગળ વધી શકાય નહીં.”
View this post on Instagram
અંબાણી પરિવારના ‘ત્રિમૂર્તિ’ કોણ છે?
તેણે એમ પણ કહ્યું, “તો ચાલો હું તમને અંબાણી પરિવારની પાવરપફ ગર્લ્સ, પરિવારની ત્રિમૂર્તિ – સરસ્વતી, લક્ષ્મી અને પાર્વતીનો પરિચય કરાવવા માટે થોડો સમય આપો. તેમની પ્રાર્થના અને આશીર્વાદ આ પરિવારને એક સાથે રાખે છે.” આ પછી શાહરૂખે રાધિકા અને અનંતને આશીર્વાદ આપવા માટે સ્ક્રીન પર કોકિલાબેન અંબાણી, પૂર્ણિમા દલાલ અને દેવયાની ખીમજીનો પરિચય કરાવ્યો.
શાહરૂખ ખાનની સ્ટાઈલ ફેન્સને પસંદ આવી
આ વીડિયો સોશિયલ મીડિયા પર વાયરલ થઈ રહ્યો છે અને ફેન્સ શાહરૂખ ખાનના વખાણ કરતા થાકતા નથી. ફેન્સ આ વીડિયો પર જોરદાર કોમેન્ટ કરી રહ્યા છે. આ સાથે ફરી એકવાર ઈતિહાસ રચાયો જ્યારે બોલિવૂડના ત્રણ ખાન એટલે કે શાહરૂખ ખાન, સલમાન ખાન અને આમિર ખાને જામનગરમાં અનંત અંબાણી અને રાધિકા મર્ચન્ટની પ્રી-વેડિંગ બેશના બીજા દિવસે એક સાથે સ્ટેજ જોવા મળ્યા સાથે જ નાટુ-નાટુ પર પણ ડાન્સ કર્યો.
