VIDEO: PM મોદીએ શાળાની વિદ્યાર્થિનીઓ સાથે રક્ષાબંધનની કરી ઉજવણી

PM Narendra Modi on Rakshabandhan: વડાપ્રધાન નરેન્દ્ર મોદીએ શાળાના બાળકો સાથે રક્ષાબંધનના તહેવારની ઉજવણી કરી હતી. તે બાળકીઓએ પીએમ મોદીને રાખડી પણ બાંધી અને તેમની સાથે વાત પણ કરી. આ દરમિયાન તે ખૂબ જ ખુશ દેખાતી હતી. મોદીના કાંડામાં રાખડી ભરાઈ ગઈ હતી. પીએમ મોદીએ સોશિયલ મીડિયા પ્લેટફોર્મ X પર પોસ્ટ કરતી વખતે, તેણે દેશવાસીઓને રક્ષાબંધનની શુભકામનાઓ પણ પાઠવી.

એક છોકરીએ પીએમ મોદીને ખૂબ જ ખાસ રાખડી બાંધી. આ રાખીએ એક ખાસ સંદેશ સાથેની તસવીર પણ હતી. હકિકતે, આ રાખી પર પીએમ મોદીની સ્વર્ગસ્થ માતાની તસવીર હતી અને તેના પર ‘એક પેડ મા કે નામ’ એવો સંદેશ લખવામાં આવ્યો હતો. તમને જણાવી દઈએ કે પીએમ મોદીએ હાલમાં જ ‘એક પેડ મા કે નામ’ અભિયાન શરૂ કર્યું છે, જેમાં તેમણે દરેક વ્યક્તિને એક વૃક્ષ વાવીને માતા અને ધરતી માતાનું સન્માન કરવાની અપીલ કરી હતી.

#WATCH | Delhi | School students tie 'Rakhi' to PM Narendra Modi, on the festival of 'Raksha Bandhan'

(Source: DD) pic.twitter.com/yqUQq3DLuv

— ANI (@ANI) August 19, 2024

સોશિયલ મીડિયા પ્લેટફોર્મ X પર લોકોને રક્ષાબંધનની શુભેચ્છા પાઠવતા પીએમ મોદીએ કહ્યું, “ભાઈઓ અને બહેનો વચ્ચેના અપાર પ્રેમનું પ્રતિક ધરાવતો તહેવાર, રક્ષાબંધન પર તમામ દેશવાસીઓને ખૂબ ખૂબ શુભેચ્છાઓ.

આ પવિત્ર તહેવાર તમારા સંબંધોમાં નવી મધુરતા લાવે અને તમારા જીવનમાં સુખ, સમૃદ્ધિ અને સૌભાગ્ય લાવે. તમને જણાવી દઈએ કે ગયા વર્ષે પણ પીએમ મોદીએ નાના બાળકો સાથે રક્ષાબંધનનો તહેવાર ઉજવ્યો હતો. રક્ષાબંધનના અવસર પર કેન્દ્રીય ગૃહમંત્રી અમિત શાહે પણ રક્ષાબંધનની શુભેચ્છા પાઠવી હતી. તેમણે કહ્યું, “રક્ષાબંધનના પવિત્ર તહેવાર પર તમામ દેશવાસીઓને હાર્દિક શુભકામનાઓ. ભાઈ-બહેનો વચ્ચેના અતૂટ પ્રેમ અને સ્નેહના આ તહેવાર પર હું દરેકની ખુશી અને સમૃદ્ધિ માટે પ્રાર્થના કરું છું.”