સંભલમાં મસ્જિદના સર્વેને લઈને હોબાળો… 7 ગાડીઓને આગચંપી, 2 લોકોના મોત
Uttarpradesh: ઉત્તર પ્રદેશના સંભલમાં શાહી જામા મસ્જિદમાં સર્વેને લઈને રવિવારે ભીડે હંગામો મચાવ્યો હતો. ટોળાએ પોલીસ ટીમ પર પથ્થરમારો કર્યો હતો અને રોડ પર આગ ચાંપી દીધી હતી. બદમાશોએ 4 બાઇક અને ત્રણ કારને આગ ચાંપી દીધી હતી. બદમાશોએ એક કલાક સુધી હંગામો મચાવ્યો હતો. પોલીસે 10 લોકોની અટકાયત કરી છે. આ હિંસામાં બે લોકોના મોત થયા છે. પોલીસે બદમાશોને વિખેરવા માટે લાઠીચાર્જ કરવો પડ્યો હતો. આ દરમિયાન પોલીસે ટીયર ગેસના શેલ પણ છોડ્યા હતા.
સંભલમાં હંગામા બાદ તણાવ ચાલુ છે. જિલ્લા મેજિસ્ટ્રેટ ઘટનાસ્થળે પહોંચી ગયા છે. એસપી 5 પોલીસ સ્ટેશનની પોલીસ સાથે હાજર છે. આ દરમિયાન પોલીસે ઘટનાસ્થળેથી 10 લોકોની અટકાયત કરી છે. હિંસામાં કેટલાક પોલીસકર્મીઓ પણ ઘાયલ થયા છે. પોલીસ અધિક્ષક કૃષ્ણ કુમાર વિશ્નોઈએ જણાવ્યું કે મસ્જિદ પાસે ભીડમાંથી કેટલાક બદમાશો બહાર આવ્યા અને પોલીસ ટીમ પર પથ્થરમારો કર્યો. બદમાશોને બક્ષવામાં આવશે નહીં.
'Action will be taken against disruptors': Uttar Pradesh Dy CM on Sambhal stone-pelting
Read @ANI Story | https://t.co/dIGmBzE3qs #UttarPradesh #Sambhal #StonePelting #MosqueSurvey pic.twitter.com/m75p9kIBdA
— ANI Digital (@ani_digital) November 24, 2024
સંભલ જિલ્લાની જામા મસ્જિદ અંગે હિન્દુ પક્ષનો દાવો છે કે તે હરિહર મંદિર છે. આ અંગે હિન્દુ પક્ષ કોર્ટમાં પહોંચ્યો હતો. કોર્ટના આદેશ બાદ 19 નવેમ્બરની રાત્રે મસ્જિદનો સર્વે કરવામાં આવ્યો હતો. આ પછી આજે ફરી એક ટીમ સર્વે કરવા માટે શાહી જામા મસ્જિદ પહોંચી હતી. સવારે બધું શાંત હતું. મસ્જિદની અંદર સર્વેનું કામ ચાલી રહ્યું હતું. આ દરમિયાન મસ્જિદની બહાર ભીડ એકઠી થવા લાગી અને લોકોએ હંગામો મચાવ્યો. ત્યારબાદ કેટલાક બદમાશોએ પોલીસ પર પથ્થરમારો કર્યો હતો.
આ પણ વાંચો: ગુજરાતમાં વધુ એક પેપર લીક કાંડ? AMC જુનિયર ક્લાર્કની પરીક્ષાનું પેપર ફૂટ્યાનો આક્ષેપ
