સાબરકાંઠા SOGએ 4 કિલો ગાંજો ઝડપ્યો, 5 લોકોની અટકાયત
સાબરકાંઠાઃ ગુજરાતમાંથી અવારનવાર ડ્રગ્સ સહિતના માદક પદાર્થો ઝડપાતો હોય છે. ત્યારે સાબરકાંઠા જિલ્લામાંથી સ્પેશિયલ ઓપરેશન ગ્રુપે દરોડા પાડી મોટા પ્રમાણમાં ગાંજાનો જથ્થો જપ્ત કર્યો છે. આ સાથે જ પાંચ આરોપીઓની અટકાયત કરી છે.
મળતી માહિતી પ્રમાણે, જિલ્લા SOGએ 4 કિલો કરતાં વધુ ગાંજાનો જથ્થો ઝડપી પાડ્યો છે. બાતમીના આધારે ઇડરના સાબલવાડ ગામની સીમમાંથી આરોપીઓને ઝડપી પાડવામાં આવ્યા છે. 9 લાખ કરતાં વધુના મુદામાલ સાથે પાંચ આરોપીની અટકાયત કરવામાં આવી છે. જ્યારે અન્ય એક આરોપી ફરાર છે.
આરોપી હોના ભાડા બુબડીયા, રમેશ નવલા બુબડીયા, ઈમ્તિયાઝા મુખત્યાર શેખ, ફિરોઝખાન રહિમખાન પઠાણ, મોહંમદ આકીબ ઉસ્માનભાઈ અંસારીની અટકાયત કરવામાં આવી છે. ચાર કિલો કરતાં વધુ માદક પદાર્થ ગાંજા સાથે આરોપીઓને જેલના સળિયા પાછળ ધકેલી દેવામાં આવ્યા છે. આ ઉપરાંત બોલેરો ગાડી, વર્ના કાર સહિતનો મુદામાલ કબ્જે કર્યો છે. પોલીસે રાજસ્થાનના કોલિયા ગામના વેપારી શખ્સની તપાસ હાથ ધરી છે.
