RBIની મોનિટરિંગ પોલિસીથી નક્કી થશે સ્ટોક માર્કેટની ચાલ, જાણો બજારમાં શું થઈ શકે?

RBI monitoring policy: રિઝર્વ બેંક ઓફ ઈન્ડિયા (RBI)ની નાણાકીય નીતિની બેઠક 6 ઓગસ્ટથી શરૂ થઈ રહી છે. RBIની મોનેટરી પોલિસી કમિટી 8 ઓગસ્ટે પોતાનો નિર્ણય જાહેર કરશે. બજાર નિષ્ણાતોનું માનવું છે કે આરબીઆઈના આ નાણાકીય નીતિના નિર્ણય પર બજારની નજર રહેશે. આ સિવાય મેક્રો ઈકોનોમિક ડેટા અને વૈશ્વિક બજારોનો ટ્રેન્ડ પણ બજારની મુવમેન્ટને પ્રભાવિત કરશે. વિશ્લેષકોએ કહ્યું છે કે આ સિવાય વિદેશી રોકાણકારોની ગતિવિધિઓ અને કંપનીઓના પ્રથમ ક્વાર્ટરના પરિણામો બજારની દિશા માટે મહત્વપૂર્ણ રહેશે. સર્વિસ સેક્ટર માટે HSBC PMI (પર્ચેઝિંગ મેનેજર્સ ઇન્ડેક્સ) ડેટા સોમવારે જાહેર કરવામાં આવશે. જો રેપો રેટ ઘટાડવાનો નિર્ણય લેવામાં આવે તો શેરબજારમાં જબરદસ્ત ઉછાળો જોવા મળી શકે છે. ત્યાં જ ઇઝરાયેલ અને હમાસ વચ્ચે વધતા તણાવની અસર વૈશ્વિક બજારો પર જોવા મળી શકે છે. વૈશ્વિક બજારમાં ઘટાડાની અસર ભારતીય બજાર પર પણ પડી શકે છે. બજાર વધુ ઘટાડો આી શકે છે.

વૈશ્વિક બજારો પર રહેશે નજર
સ્વસ્તિક ઇન્વેસ્ટમાર્ટ લિમિટેડના રિસર્ચ હેડ સંતોષ મીનાએ જણાવ્યું હતું કે, “આ અઠવાડિયે દરેકની નજર વૈશ્વિક બજારો પર રહેશે. લાંબા ગાળાની સ્થિરતા બાદ હવે માર્કેટમાં નબળાઈના કેટલાક સંકેત દેખાઈ રહ્યા છે. આનાથી ભારતીય બજારની મજબૂતાઈની કસોટી થશે, જે વધુ સારી તરલતાની સ્થિતિને કારણે અત્યાર સુધી લડાયક રહ્યું છે. તેમણે કહ્યું કે પ્રથમ ક્વાર્ટરના પરિણામોના છેલ્લા રાઉન્ડ પછી બજારમાં કેટલીક સ્ટોક-વિશિષ્ટ પ્રવૃત્તિઓ જોવા મળી શકે છે. આ ઉપરાંત સંસ્થાકીય પ્રવાહ પણ બજારની દિશા માટે મહત્વપૂર્ણ રહેશે.

આ પણ વાંચો: આ ગુજરાતી ફિલ્મના શૂટિંગ દરમિયાન આઈ વરૂડીએ આપ્યો હતો પરચો!

આ મોટી કંપનીઓના પરિણામો આવશે
સપ્તાહ દરમિયાન, ભારતી એરટેલ, BEML, ONGC, NHPC, ભારતીય જીવન વીમા નિગમ અને MRF જેવી મોટી કંપનીઓ તેમના ત્રિમાસિક પરિણામો જાહેર કરશે. જિયોજિત ફાઇનાન્શિયલ સર્વિસિસના રિસર્ચ હેડ વિનોદ નાયરે જણાવ્યું હતું કે, “આગળ જતાં ઊંચા મૂલ્યાંકનને કારણે બજારમાં થોડી નબળાઈ આવી શકે છે. આરબીઆઈની આ અઠવાડિયે મળનારી નાણાકીય સમીક્ષા બેઠક વ્યાજ દરો માટેના અંદાજ પર કેટલાક સંકેત આપશે. હાલ માટે મધ્યસ્થ બેંક વ્યાજ દરો પર યથાસ્થિતિ જાળવી શકે છે.

શુક્રવારે મોટો ઘટાડો જોવા મળ્યો હતો
ગયા અઠવાડિયે વેચાણના દબાણ વચ્ચે 30 શેરો ધરાવતો BSE સેન્સેક્સ શુક્રવારે 885.60 પોઈન્ટ અથવા 1.08 ટકા ઘટીને 80,981.95 પર બંધ થયો હતો. ત્યાં જ નેશનલ સ્ટોક એક્સચેન્જનો નિફ્ટી 293.20 પોઈન્ટ અથવા 1.17 ટકા ઘટીને 24,717.70 પોઈન્ટ પર આવી ગયો હતો. વિશ્લેષકોએ જણાવ્યું હતું કે બજારના સહભાગીઓ વૈશ્વિક ક્રૂડ ઓઈલના ભાવમાં થતી વધઘટ અને ડોલર સામે રૂપિયાના વલણ પર પણ નજર રાખશે.