‘રામાયણ’માં કોણ બનશે સીતા માતા? જ્હાન્વી કપૂર કે સાઇ પલ્લવી
મુંબઈ: ‘દંગલ’ જેવી બ્લોકબસ્ટર ફિલ્મો બનાવનાર ફિલ્મ નિર્માતા નિતેશ તિવારી તેની આગામી ફિલ્મ ‘રામાયણ’ માટે ચર્ચામાં છે. આ ફિલ્મને લઈને બે મોટા સમાચાર સામે આવી રહ્યા છે. પહેલા તો એવા સમાચાર હતા કે ફિલ્મમાં સાઈ પલ્લવીની જગ્યાએ જાહ્નવી કપૂર જોવા મળશે, પરંતુ તે ખોટા નીકળ્યા. જ્હાન્વીએ તેનું સ્થાન લીધું નથી અને સાઉથ અભિનેત્રી સાઈ પલ્લવી આ ફિલ્મમાં માતા સીતાની ભૂમિકા ભજવશે. બીજા સમાચાર રણબીર વિશે છે, જે ફિલ્મમાં રામનું પાત્ર ભજવવા જઈ રહ્યો છે. માત્ર તેમના દેખાવમાં જ ફરક નહીં હોય, પરંતુ તેમનો અવાજ પણ બદલાયેલો સંભળાશે.
મળતી માહિતી મુજબ, નિતેશ તિવારીએ ‘રામાયણ’ના ઉચ્ચાર અને સંવાદ વિભાગ માટે એક અલગ ટીમ બનાવી છે. આ સિવાય પાત્રોના કોસ્ચ્યુમ અને ફિલ્મમાં તેઓ કેવા દેખાશે તેના પર પણ ખાસ ધ્યાન આપવામાં આવી રહ્યું છે.
View this post on Instagram
રણબીર નિષ્ણાતો પાસેથી ટ્રેનિંગ લઈ રહ્યો છે
સુત્રો જણાવે છે કે રણબીરે અત્યારથી જ તૈયારીઓ શરૂ કરી દીધી છે. હાલમાં, તે તેના નિર્દેશકની વિનંતી પર એક ડિક્શન નિષ્ણાત (બોલવાના અંદાજ માટે નિષ્ણાત) પાસે પ્રેક્ટિસ કરી રહ્યો છે. નિષ્ણાત ખાતરી કરશે કે પાત્રની ડાયલોગ ડિલિવરી ફિલ્મના વિઝનને અનુરૂપ છે.
રણબીર પણ પોતાના પાત્રમાં કોઈ કસર છોડી રહ્યો નથી. તે નિતેશ તિવારીને ડાયલોગ્સ વાંચવામાં અને વીડિયો મોકલવામાં કલાકો ગાળે છે. સૂત્રોનું કહેવું છે કે આ ફિલ્મનું નિર્માણ મોટા પાયે કરવામાં આવી રહ્યું છે. તેમાં આંતરરાષ્ટ્રીય સ્તરના VFX હશે.
View this post on Instagram
આંખો બંધ કરીને રણબીરનો અવાજ ઓળખી શકાય છે
સૂત્રએ ખુલાસો કર્યો, ‘રણબીરનો અવાજ એવો છે કે જો કોઈ આંખ બંધ કરીને સાંભળે તો પણ તે તેને ઓળખી જશે. તેનો અવાજ ભારે છે અને તેની બોલવાની પોતાની રીત છે. તેથી જ નીતિશ એ સુનિશ્ચિત કરવા માંગે છે કે રણબીર તેણે ભજવેલા અગાઉના પાત્રો કરતાં અલગ દેખાય. તે બહુ-પ્રતિભાશાળી અભિનેતા છે અને તેથી જ તે આ પ્રક્રિયાનો આનંદ પણ લઈ રહ્યો છે.
જ્હાન્વી નહીં, માત્ર સાઈ પલ્લવી જ જોવા મળશે
પહેલા સમાચાર આવી રહ્યા હતા કે સાઉથની અભિનેત્રી સાઈ પલ્લવી આ ફિલ્મમાં માતા સીતાના રોલમાં જોવા મળશે. પછી સમાચાર આવ્યા કે જાન્હવી કપૂરે તેની જગ્યા લીધી છે. પરંતુ આ માત્ર અફવા છે. કહેવામાં આવી રહ્યું છે કે આ રોલમાં માત્ર સાઈ પલ્લવી જ જોવા મળશે. આ સિવાય સની દેઓલ હનુમાનનું પાત્ર ભજવશે અને કેજીએફ સ્ટાર યશ રાવણનું પાત્ર ભજવશે. તે રણબીર સાથે લંડનમાં શૂટિંગ પણ કરશે.
