રાજકોટના જાણીતા ENT સર્જન ડૉ. હિમાંશુ ઠક્કરને મળ્યું ‘લિમ્કા બુક ઓફ રેકોર્ડ્સ-2025’માં સ્થાન

ઋષિ દવે, રાજકોટ: રાજકોટના જાણીતા ઇ.એન.ટી. સર્જન ડૉ. હિમાંશુ ઠક્કરનો વિશ્વ વિખ્યાત લિમ્કા બુક ઓફ રેકોર્ડ્સ 2025ના “મેડિકલ મારવેલ” વિભાગમાં “LARGEST NASAL POLYP REMOVED” તરીકે સમાવેશ કરાયો છે. લિમ્કા બુક ઓફ રેકોર્ડ્સ ભારતમાં દર વર્ષે પ્રકાશિત થતી એક રેફરન્સ બુક છે, જેમાં ભારતીયો દ્વારા બનાવેલા વિશ્વ રેકોર્ડ્સની નોંધ લેવામાં આવે છે. આ રેકોર્ડ્સને શિક્ષણ, સાહિત્ય, ખેતી, તબીબી વિજ્ઞાન, વ્યવસાય, રમતગમત, કુદરત, સાહસ, રેડિયો અને સિનેમા જેવી કેટેગરીમાં વર્ગીકૃત કરવામાં આવ્યા છે. લિમ્કા બુક ઓફ રેકોર્ડ્સ અંગ્રેજી ભાષામાં પ્રકાશિત થાય છે. તેનો પ્રથમ પ્રકાશન 1990માં થયો હતો.

8×2.5 સેમીનો નાકનો મસો સર્જરી વિના દૂરબીનથી કાઢ્યો
ડૉ. હિમાંશુ ઠક્કરે રાજકોટના 55 વર્ષીય લાલીભાઈ વાઘેલાની નાકમાંથી 8 સેમી × 2.5 સેમી મોટો નેઝલ પોલિપ (નાકનો મસો) નાકની કુદરતી છિદ્રમાંથી સ્કાર વગર દૂરબીનથી કાઢી આપ્યો હતો. દર્દીને છેલ્લા 6 મહિનાથી નાક બંધ રહેવું, શરદી, ખાંસી અને કફ જેવી તકલીફો હતી. CT સ્કેનમાં મોટો પોલિપ દેખાયો હતો. ડૉ. ઠક્કરે એન્ડોસ્કોપ અને વિશિષ્ટ ઇન્સ્ટ્રુમેન્ટની મદદથી તેને સંપૂર્ણપણે દૂર કર્યો. દર્દીને કોઈ પણ જાતની Complication વગર એજ દિવસે ડિસ્ચાર્જ કરી દેવાયા હતો.

લિમ્કા બુક ઓફ રેકોર્ડ્સમાં સ્થાન
આ અનોખી સફળતા માટે ડૉ. હિમાંશુ ઠક્કરનું નામ લિમ્કા બુક ઓફ રેકોર્ડ્સ 2025માં સામેલ થયું છે, જે રાજકોટ અને ગુજરાત માટે ગૌરવની વાત છે. ડૉ. ઠક્કરે જણાવ્યું કે, “વિશ્વપ્રસિદ્ધ લિમ્કા બુકમાં સ્થાન મળવું મારા માટે ગૌરવ, સન્માન અને આનંદની વાત છે.”

દર્દીને સફળ ઓપરેશન બાદ એકજ દિવસમાં ડિસ્ચાર્જ કરાયો
તેઓ છેલ્લા 23 વર્ષથી ENT સર્જન તરીકે સેવાઓ આપી રહ્યાં છે અને વિદ્યાનગર મેન રોડ રાજકોટ ખાતે પોતાની હોસ્પિટલ ચલાવે છે. અગાઉ પણ ડૉ. ઠક્કરે નાના બાળકોની શ્વાસનળી અને અન્નનળીમાં ફસાયેલ વસ્તુ દૂરબીન વડે કાઢી આપી અનેક માસુમ બાળકોને નવજીવન આપ્યું હતું અને તે બદલ ખુબજ નામના મળી છે. તેઓ અગાઉ પણ ઈન્ડિયા બુક ઓફ રેકોર્ડ્સ-2023માં તેમનું નામ સામેલ થયેલ છે કે જેમાં ડૉ ઠક્કરે બાળકની શ્વાસનળીમાં સાત વર્ષથી ફસાયેલ પ્લાસ્ટિકની સિસોટી દૂરબીન વડે કાઢી આપી બાળકને નવજીવન આપ્યું હતું. ડૉ હિમાંશુ ઠક્કરને IMA નેશનલ એવોર્ડ-2013 ઈન્ડિયન મેડિકલ એસો.ની નેશનલ કોન્ફરન્સ રાજામુદ્રિ આંધ્રપ્રદેશ ખાતે એનાયત કરવામાં આવ્યો હતો. IMA MedAchievers એવોર્ડ ઓફ મેરિટ 1st જુલાઈ ડૉક્ટર ડે 2014ના દિવસે તાજ પેલેસ હોટેલ દિલ્હી ખાતે એનાયત કરાયો હતો. ડૉ ઠક્કર ભૂતપૂર્વ સેક્રેટરી ઈન્ડિયન મેડિકલ એસો. રાજકોટ, ભૂતપૂર્વ પ્રમુખ ઈ એન્ટી સોસાયટી ઓફ રાજકોટ, ભૂતપૂર્વ પ્રમુખ રઘુવંશી ડોક્ટર એસોસિએશન, ભૂતપૂર્વ સેક્રેટરી રાજકોટ લોહાણા મહાજન, ભૂતપૂર્વ ખજાનચી સર્જન એસો. રાજકોટ તરીકે ફરજ બજાવી ચૂક્યા છે. ડૉ હિમાંશુ ઠક્કર ઘણી સેવાકીય સંસ્થાઓ સાથે પણ સંકળાયેલા છે અને હર હમેશ જરૂરિયાત મંદ દર્દીઓની સેવામાં તત્પર રહે છે. Limca Book of Recordsમાં રેકોર્ડ સ્થાપી કીર્તિમાન રચવા બદલ ડૉ. ઠક્કરના મિત્ર વર્તુળમાંથી શુભેચ્છાની વર્ષા થઈ રહી છે.