રાજકોટમાંથી નકલી ક્રિકેટર ઝડપાયો! મામલતદાર સહિત અન્ય લોકો પાસેથી રૂપિયા ખંખેર્યા

રાજકોટઃ રાજ્યમાં નકલીની બોલબાલા યથાવત છે. ત્યારે હવે નકલી ક્રિકેટર ઝડપાયો છે. મેઘાલયમાં ક્રિકેટ એસોસિએશનમાં સિલેક્ટર છું તેમ કહી પ્રજ્ઞેશ બારહટ નામના વિદ્યાર્થીએ કરી છેતરપીંડી આચરી છે.

પ્રજ્ઞેશ સૌરાષ્ટ્ર યુનિવર્સિટીમાં PHDનો અભ્યાસ કરે છે અને ફૂટબોલનો ખેલાડી છે. તમારા બાળકોને ઇન્ટરનેશનલ ક્રિકેટ રમવા મળશે, હાલમાં માત્ર એર ટિકીટ ભાડું આપવાનું રહેશે તેમ કહી 90 હજાર ઉઘરાવ્યા હતા. સૌરાષ્ટ્ર યુનિવર્સિટીના બેડમિન્ટન કોચ ચિંતન રાવલ અને વેપારી મેહુલ ધોળકિયાએ પોલીસ કમિશરને આ અંગે માહિતી આપી હતી અને ફરિયાદ દાખલ કરી હતી.

પ્રજ્ઞેશે મેઘાલય ક્રિકેટ એસોસિએશનના લેટર પેડ પર સિલેક્શન અંગેનો ફેક નોટિફિકેશન લેટર પણ મોકલ્યો હતો. મહેસાણામાં આ શખ્સે રૂપિયા 40 લાખનું કૌભાંડ આચર્યાનો પણ અરજીમાં આક્ષેપ કરવામાં આવ્યો છે. હાલ આ સમગ્ર મામલે પોલીસે તપાસ શરૂ કરી છે.