ગરમીથી પરેશાન દિલ્હી-NCRના લોકો… UPથી લઈ મહારાષ્ટ્ર સુધી ભારે વરસાદને લઈ એલર્ટ
Heavy Rain: દિલ્હી NCRમાં લોકો બે દિવસથી કાળઝાળ ગરમીથી પરેશાન છે. પરંતુ હવે વરસાદની આગાહ કરી છે. તેવી જ રીતે આજે ઉત્તર પ્રદેશના મોટાભાગના વિસ્તારોમાં વરસાદની સંભાવના છે. ભારતીય હવામાન વિભાગ (IMD) એ નોઈડાથી બલિયા અને ગોરખપુરથી ચિત્રકૂટ સુધીના દસથી વધુ જિલ્લાઓમાં વરસાદની ચેતવણી જારી કરી છે. હવામાન વિભાગના જણાવ્યા અનુસાર આગામી બે દિવસમાં એટલે કે રવિવાર અને સોમવાર માત્ર ઉત્તર પ્રદેશમાં જ નહીં, પરંતુ ગુજરાત, મધ્યપ્રદેશ, રાજસ્થાન, દિલ્હી, ઉત્તરાખંડ, હિમાચલ પ્રદેશ, ગોવા, મહારાષ્ટ્ર, આંધ્રપ્રદેશ, બિહાર, ઝારખંડમાં પણ વરસાદ પડી શકે છે. જમ્મુ-કાશ્મીર અને હરિયાણા-પંજાબમાં પણ વરસાદ પડી શકે છે.
હવામાન વિભાગે આ તમામ રાજ્યો માટે ઓરેન્જ એલર્ટ જાહેર કર્યું છે. હવામાન વિભાગના અધિકારીઓના જણાવ્યા અનુસાર વરસાદને કારણે આ બે દિવસ લોકોને ભેજ અને ગરમીથી રાહત મળશે. રજાના દિવસે એટલે કે રવિવારે વરસાદના કારણે લોકોનો દિવસ સારો રહેશે. હવામાન વિભાગના જણાવ્યા અનુસાર આગામી 48 કલાકમાં દેશભરમાં હવામાનમાં ઘણા ફેરફાર થવાના છે. IMDના રિપોર્ટ અનુસાર ઉત્તર પ્રદેશમાં આગામી બે દિવસ સુધી હવામાન અસ્થિર રહેશે. આ દરમિયાન કેટલાક જિલ્લાઓમાં હળવો વરસાદ અને કેટલાક સ્થળોએ મુશળધાર વરસાદ પડી શકે છે.
આ પણ વાંચો: સતત બીજા મહિને મોંઘવારીનો માર, ગેસ સિલિન્ડરના ભાવમાં થયો વધારો
નોઈડા-ગાઝિયાબાદમાં 3 થી 5 સપ્ટેમ્બર સુધી વરસાદ
જો કે, તડકો અને ભેજવાળી સ્થિતિ પણ થોડી રાહત સાથે યથાવત રહેશે. આ અહેવાલ મુજબ રવિવારે ઉત્તર પ્રદેશના નોઈડાથી લખનૌ સુધી વરસાદની સંભાવના છે. તેવી જ રીતે પ્રયાગરાજ, આંબેડકર નગર, સીતાપુર, હાથરસ, કૌશામ્બી, બુલંદશહર, જૌનપુર, પ્રતાપગઢ અને બલિયામાં વરસાદની સંભાવના છે. તો 3 થી 5 સપ્ટેમ્બર સુધી નોઈડા, ગાઝિયાબાદ સહિત પશ્ચિમ ઉત્તર પ્રદેશના ઘણા જિલ્લાઓમાં ભારે વરસાદની સંભાવના છે.
દેશના આ રાજ્યોમાં પણ વરસાદ પડશે
સ્કાયમેટ વેધરના જણાવ્યા અનુસાર, આંધ્રપ્રદેશ, તેલંગાણા, કર્ણાટક, વિદર્ભ, મરાઠવાડા અને મધ્યપ્રદેશમાં આજે મધ્યમથી ભારે વરસાદની સંભાવના છે. તેવી જ રીતે આજે કર્ણાટક અને આંદામાન નિકોબાર ટાપુઓ સિવાય ઉત્તર-પૂર્વ ભારતમાં પણ ઘણી જગ્યાએ સારો વરસાદ પડી શકે છે. હવામાન વિભાગના આ અહેવાલ મુજબ પશ્ચિમ બંગાળ, સિક્કિમ, ઓડિશા, છત્તીસગઢ, તમિલનાડુના કેટલાક ભાગો ઉપરાંત કેરળ, લક્ષદ્વીપ, મહારાષ્ટ્ર, દક્ષિણ ગુજરાત, પૂર્વ રાજસ્થાન, હિમાચલ પ્રદેશ અને ઉત્તરાખંડમાં હળવો વરસાદ પડી શકે છે.
