ભાઇએ બહેન માટે છોડી વાયનાડ, પ્રિયંકા ગાંધી વાયનાડ બેઠક પરથી લડશે પેટાચૂંટણી
Lok Sabha Elections 2024: કોંગ્રેસ અધ્યક્ષ મલ્લિકાર્જુન ખડગેએ સોમવારે મીડિયા સાથેની વાતચીતમાં સ્પષ્ટતા કરી કે રાહુલ ગાંધી રાયબરેલીથી સાંસદ રહેશે. તેમણે માત્ર વાયનાડ સીટ છોડવાની જાહેરાત કરી ન હતી પરંતુ એમ પણ કહ્યું હતું કે પ્રિયંકા ગાંધી વાયનાડથી પેટાચૂંટણી લડશે. આ દરમિયાન પ્રિયંકા ગાંધીના જૂના સ્લોગન ‘મહિલા છું, લડી શકું છું’ નો ઉપયોગ કરીને તેણે કહ્યું કે તે વાયનાડથી પેટાચૂંટણી લડશે. આ રીતે કોંગ્રેસે એક જ દિવસમાં બે મોટી જાહેરાતો કરી છે. પહેલાં રાહુલ ગાંધીનો નિર્ણય કે તેઓ રાયબરેલીથી સાંસદ રહેશે અને બીજું, કોંગ્રેસે પણ વાયનાડ પેટાચૂંટણી માટે પોતાનો ઉમેદવાર ઉતાર્યો છે.
#WATCH | Delhi: Congress president Mallikarjun Kharge says "Rahul Gandhi won from 2 LS seats but as per the law he has to vacate one seat. Rahul Gandhi will keep the Raebareli seat and vacate Wayanad Lok Sabha seat.." pic.twitter.com/yXdtvDMGwl
— ANI (@ANI) June 17, 2024
કોંગ્રેસ નેતા રાહુલ ગાંધીએ સોમવારે વાયનાડ લોકસભા સીટ છોડીને તેમના પરિવારના ગઢ રાયબરેલીમાં રહેવાનો નિર્ણય કર્યો છે. ઉલ્લેખનીય છે કે, રાહુલ ગાંધીએ સામાન્ય ચૂંટણીઓમાં લોકસભાની બંને બેઠકો – કેરળમાં વાયનાડ અને ઉત્તર પ્રદેશમાં રાયબરેલી – પ્રભાવશાળી માર્જિનથી જીતી હતી. નવી દિલ્હીમાં પાર્ટીના વડા મલ્લિકાર્જુન ખડગેના નિવાસસ્થાને કોંગ્રેસની ટોચની નેતાગીરી સાથે ચર્ચા કર્યા બાદ પ્રેસ કોન્ફરન્સ દરમિયાન આ નિર્ણયની જાહેરાત કરવામાં આવી હતી.
#WATCH | Delhi: Congress president Mallikarjun Kharge says "We have decided that Priyanka Gandhi Vadra will fight elections from the Wayanad Lok Sabha seat…" pic.twitter.com/5o5IrpEwbU
— ANI (@ANI) June 17, 2024
મલ્લિકાર્જુન ખડગેએ કહ્યું કે તેમણે કહ્યું કે રાયબરેલી બેઠકનો ગાંધી પરિવાર સાથે ઘણો સંબંધ છે. રાયબરેલીના લોકો અને પાર્ટીના લોકોનું કહેવું છે કે રાહુલ ગાંધીએ રાયબરેલી સીટ પરથી જ સાંસદ રહેવું જોઈએ. તેમણે કહ્યું કે વાયનાડ સીટ પર પણ રાહુલ ગાંધીને લોકોનો પ્રેમ મળ્યો છે, પરંતુ કાયદો તેને મંજૂરી આપતો નથી. જેના કારણે તેઓ વાયનાડ બેઠક પરથી રાજીનામું આપશે અને રાયબરેલી બેઠક પરથી સંસદમાં જશે. તેમણે કહ્યું કે વાયનાડના લોકોને હવે રાહુલ ગાંધીને બદલે પ્રિયંકા ગાંધીનું પ્રતિનિધિત્વ મળશે.
