‘દિલ્હીમાં રાષ્ટ્રપતિ શાસન લાગૂ થવા જઈ રહ્યું છે’, AAP મંત્રી આતિશીએ લગાવ્યા આરોપ

Aap Press Conference: આમ આદમી પાર્ટી (AAP)ના નેતા અને દિલ્હી સરકારના મંત્રી આતિશીએ કહ્યું કે અરવિંદ કેજરીવાલની નકલી કેસમાં કોઈ પુરાવા વગર ધરપકડ કરવામાં આવી છે. આ દિલ્હીના લોકો દ્વારા ચૂંટાયેલી સરકારને તોડી પાડવાનું ષડયંત્ર છે. અરવિંદ કેજરીવાલે દિલ્હીની મહિલાઓને દર મહિને 1000 રૂપિયા આપવાનું વચન આપ્યું હતું, તેને રોકવા માટે રાજકીય હરીફો દ્વારા ષડયંત્ર રચવામાં આવી રહ્યું છે. આતિશીનો દાવો છે કે મોદી સરકાર દિલ્હીમાં રાષ્ટ્રપતિ શાસન લાદવાની તૈયારી કરી રહી છે.

#WATCH दिल्ली: AAP नेता और दिल्ली सरकार में मंत्री आतिशी ने कहा, "…भाजपा को पता है कि चाहें वे कितना भी जोर लगा लें, वे दिल्ली में अरविंद केजरीवाल को हरा नहीं सकता… दिल्ली के लोग अरविंद केजरीवाल से प्यार करते हैं, दिल्ली के लोग AAP को पसंद करते हैं और दिल्ली के लोग भाजपा की… https://t.co/Immjc5rz2f pic.twitter.com/91RmYDAkxI

— ANI_HindiNews (@AHindinews) April 12, 2024

દિલ્હીમાં રાષ્ટ્રપતિ શાસન લાદવાનું ષડયંત્ર છે: આતિશી
AAP નેતા અને દિલ્હી સરકારના મંત્રી આતિશીએ કહ્યું કે અરવિંદ કેજરીવાલની સરકાર વિરુદ્ધ એક મોટું રાજકીય ષડયંત્ર રચવામાં આવી રહ્યું છે. આગામી દિવસોમાં ભાજપ શાસિત કેન્દ્ર સરકાર દિલ્હીમાં રાષ્ટ્રપતિ શાસન લાગુ કરવા જઈ રહી છે. છેલ્લા ઘણા દિવસોથી દિલ્હીમાં કોઈ અધિકારીની પોસ્ટિંગ નથી. દિલ્હીમાં ઘણા વિભાગો ખાલી છે. એલજી સાહેબ છેલ્લા એક સપ્તાહથી દિલ્હી સરકાર વિરુદ્ધ MHAને કોઈ કારણ વગર પત્ર લખી રહ્યા છે. 20 વર્ષ જૂના કેસને લઈને દિલ્હીના મુખ્યમંત્રીના સચિવને બરતરફ કરવામાં આવ્યા છે. આ બધું દર્શાવે છે કે દિલ્હીમાં રાષ્ટ્રપતિ શાસન લાદવાનું ષડયંત્ર રચવામાં આવી રહ્યું છે.

‘ભાજપ દિલ્હીમાં અરવિંદ કેજરીવાલને હરાવી શકે નહીં’
AAP નેતા આતિશીએ કહ્યું કે ભાજપ જાણે છે કે PM મોદી ગમે તેટલી કોશિશ કરે, તેઓ દિલ્હીમાં અરવિંદ કેજરીવાલને હરાવી શકે નહીં. દિલ્હીના લોકો અરવિંદ કેજરીવાલને પ્રેમ કરે છે, દિલ્હીના લોકો AAPને પસંદ કરે છે અને દિલ્હીના લોકો ભાજપના દરેક સંભવિત પ્રયાસો છતાં AAPને મત આપે છે. બીજેપી દિલ્હીમાં ચૂંટણી જીતવાની નથી, તેથી તે દિલ્હીની અરવિંદ કેજરીવાલની ચૂંટાયેલી સરકારને તોડી પાડવાનું કાવતરું કરી રહી છે.