હરિયાણા ચૂંટણીમાં વિશ્લેષકો પર PM મોદીનો ટોણો, કોંગ્રેસના લાઉડસ્પીકરનો કરંટ નબળો પડ્યો
Narendra Modi: ગુરુવારે હરિયાણા વિધાનસભા ચૂંટણીના પ્રચાર દરમિયાન પીએમ નરેન્દ્ર મોદીએ કહ્યું કે હવે કોંગ્રેસના લાઉડસ્પીકરનો કરંટ પણ નબળો પડી ગયો છે. તેમણે કહ્યું કે જેમ જેમ વિધાનસભાની ચૂંટણીની તારીખ નજીક આવી રહી છે તેમ તેમ ઊંચા દાવા કરનારા તેના ‘લાઉડસ્પીકર’નો કરંટ પણ નબળો પડી ગયો છે. આ સિવાય કોંગ્રેસ પર ખેડૂતોને ગેરમાર્ગે દોરવાનો આરોપ લગાવતા પીએમ મોદીએ કહ્યું કે કોંગ્રેસના શાસનમાં હરિયાણાના ખેડૂતોને પાકના નુકસાન પર માત્ર બે રૂપિયાનો ચેક મળતો હતો. એટલું જ નહીં, વડાપ્રધાને કોંગ્રેસ પર દલિતો પર અત્યાચારનો આરોપ પણ લગાવ્યો.
પીએમ મોદીએ કહ્યું કે હરિયાણામાં કોંગ્રેસના શાસનમાં દલિતો પર કેટલા અત્યાચાર થયા તેની કોઈ કલ્પના પણ કરી શકતું નથી. હિમાચલમાં કોંગ્રેસે મોટા-મોટા વાયદા કર્યા પરંતુ સત્તામાં આવ્યા બાદ વિકાસ અટકી ગયો અને તેઓ પગાર પણ નથી ચૂકવી શકતા. હરિયાણાની જનતાએ બીજેપીની સેવા કરવાનો વધુ એક મોકો આપવાનો નિર્ણય કર્યો છે. કોંગ્રેસનો મોટાભાગનો સમય તેના આંકરિક ઝઘડામાં પસાર થાય છે, હરિયાણાનું દરેક બાળક તેના આંતરિક ઝઘડાથી વાકેફ છે. તેમણે કહ્યું કે કોંગ્રેસ છેલ્લા 10 વર્ષમાં વિપક્ષ તરીકે પણ નિષ્ફળ રહી છે.
‘નમો એપ’ દ્વારા ‘મેરા બૂથ, સબસે મજબૂત’ કાર્યક્રમ હેઠળ સંબોધિત કરતા મોદીએ રાજ્યમાં ફરીથી પાર્ટીની સરકાર બનાવવાનો દાવો કર્યો હતો. તેમણે કહ્યું કે આવું એટલા માટે થઈ રહ્યું છે કારણ કે હરિયાણામાં પહેલીવાર સરકાર સામે ભ્રષ્ટાચારના કોઈ આરોપ નથી અને યુવાનોને ‘કોઈપણ કાપલી અને ખર્ચ વિના’ રોજગાર મળ્યો છે. તેમણે આરોપ લગાવ્યો કે કોંગ્રેસનો સંપૂર્ણ આધાર ‘જૂઠાણા’ પર આધારિત છે અને તેના નેતાઓ ‘બકવાસ વાતો’ કરીને ભાજપનું વાતાવરણ બગાડવાનો પ્રયાસ કરી રહ્યા છે.
આ પણ વાંચો: Ranveer Allahbadiaની YouTube ચેનલ ડિલીટ…!, શું BeerBicepsની કારકિર્દી ખતમ?
વિશ્લેષકો પર ટોણો – કોંગ્રેસના લાઉડસ્પીકરમાં હવે કરંટ નબળો
વધુમાં પીએમ મોદીએ કહ્યું, ‘આજકાલ તમે જોઈ રહ્યા છો… કોંગ્રેસના લાઉડસ્પીકર જે મોટા મોટા દાવા કરતા હતા તેનો કરંટ પણ નબળો પડી ગયો છે. કોઈ કહે છે કે કોંગ્રેસ દિનપ્રતિદિન નબળી પડી રહી છે અને છેલ્લા 10 વર્ષમાં કોંગ્રેસ વિપક્ષ તરીકે પણ નિષ્ફળ ગઈ છે. તાજેતરમાં, કોંગ્રેસ નેતા કુમારી સેલજાની કથિત નારાજગી અને પક્ષમાં કથિત જૂથવાદને ધ્યાનમાં રાખીને, કેટલાક રાજકીય નિષ્ણાતોએ દાવો કર્યો હતો કે કોંગ્રેસની સ્થિતિ પહેલા મજબૂત હતી પરંતુ હવે તેનો ગ્રાફ ધીમે ધીમે નીચે જઈ રહ્યો છે. એવું માનવામાં આવે છે કે વડાપ્રધાને આ રાજકીય નિષ્ણાતો માટે ‘લાઉડસ્પીકર’ શબ્દનો ઉપયોગ કર્યો હતો.
