વડાપ્રધાન નરેન્દ્ર મોદી જન્મદિવસ પર ઓડિશાને આપશે અનેક ભેટ, જાણો આજનો કાર્યક્રમ
PM Modi: સતત ત્રીજી વખત દેશની કમાન સંભાળ્યા બાદ વડાપ્રધાન નરેન્દ્ર મોદી આજે પોતાનો 74મો જન્મદિવસ ઉજવી રહ્યા છે. એક તરફ પીએમને આ દિવસે ભારત અને વિદેશમાંથી અભિનંદન મળી રહ્યા છે. ત્યારે આજે પીએમનું શેડ્યૂલ એકદમ ખાસ છે. આજે 17મી સપ્ટેમ્બરનો દિવસ ભાજપ માટે વધુ ખાસ છે કારણ કે એક તરફ પાર્ટી પીએમ મોદીનો જન્મદિવસ ઉજવી રહી છે તો બીજી તરફ આજે ભાજપ સરકારના ત્રીજા કાર્યકાળના 100 દિવસ પૂરા થઈ રહ્યા છે.
પીએમ મોદીનું આજનું શિડ્યુલ એકદમ ખાસ છે. પીએમ આજે ત્રણ રાજ્યોની મુલાકાત લેશે અને રાજ્યોને ભેટ આપશે અને ઘણી યોજનાઓનું લોકાર્પણ કરશે.
સવારે કાશી પહોંચશે
વડાપ્રધાન નરેન્દ્ર મોદી આ વખતે પોતાના જન્મદિવસ પર ત્રણ રાજ્યોની મુલાકાતે જવાના છે. તે સવારે સૌથી પહેલા કાશી પહોંચશે. પીએમ મોદી સવારે કાશીના વિશ્વનાથ મંદિરમાં પૂજા કરી શકે છે. ત્યારબાદ તેઓ ઓડિશાના ભુવનેશ્વર જશે અને મહિલાઓ માટે સુભદ્રા યોજના શરૂ કરશે.
બપોરે ભુવનેશ્વર પહોંચશે
પીએમ મોદી તેમના જન્મદિવસ પર ઘણા રાજ્યોને ભેટ આપતા જોવા મળશે. કાશી બાદ પીએમ બપોરે ઓડિશાના ભુવનેશ્વર પહોંચશે. જ્યાં PM સવારે 11 વાગ્યે PMAY-URBAN યોજનાના લાભાર્થીઓને મળશે અને વાત કરશે. આ પછી પીએમ ભુવનેશ્વરમાં ઘણી યોજનાઓ લોન્ચ કરશે.
આ પણ વાંચો: વડાપ્રધાન નરેન્દ્ર મોદીને ભોજનમાં પસંદ છે આ ગુજરાતી વાનગીઓ
તે સુભદ્રા યોજના શરૂ કરશે. મહિલાઓ માટે રચાયેલ આ યોજના હેઠળ, 21 થી 60 વર્ષની વયની લગભગ એક કરોડ મહિલાઓને પાંચ વર્ષ સુધી દર વર્ષે 10,000 રૂપિયાની સહાય આપવામાં આવશે. આ યોજનાને કારણે દરેક મહિલાને કુલ 50,000 રૂપિયાની સહાય મળશે. આ યોજના હેઠળ રક્ષાબંધન અને આંતરરાષ્ટ્રીય મહિલા દિવસના અવસર પર દર વર્ષે 10,000 રૂપિયાની રકમ બે હપ્તામાં આપવામાં આવશે.
સાંજે નાગપુર પહોંચશે
જ્યારે પીએમ મોદી તેમના જન્મદિવસની શરૂઆત કાશીમાં કરશે, તેઓ સાંજે નાગપુર પહોંચશે. 3.0 સરકારનો કાર્યભાર સંભાળ્યા બાદ મોદી પ્રથમ વખત નાગપુર જશે. RSSનું મુખ્યાલય નાગપુરમાં જ છે, જોકે PM RSS મુખ્યાલયની મુલાકાત લેશે કે નહીં તે અંગે હજુ સુધી કોઈ માહિતી આપવામાં આવી નથી. પીએમ મોદીએ એપ્રિલમાં લોકસભા ચૂંટણી પ્રચાર દરમિયાન નાગરપુરની મુલાકાત લીધી હતી.
પીએમ મોદીના જન્મદિવસ નિમિત્તે પાર્ટી સેવા પખવાડા શરૂ કરશે જે મહાત્મા ગાંધીની જન્મજયંતિ 2 ઓક્ટોબર સુધી ચાલુ રહેશે. સેવા પખવાડા અંતર્ગત પાર્ટી અધ્યક્ષ જેપી નડ્ડા સવારે 11 વાગ્યે રક્તદાન શિબિરનું ઉદ્ઘાટન કરશે. આ દિવસે પેરાલિમ્પિક ખેલાડીઓનું પણ સન્માન કરવામાં આવશે. ઉપરાંત શાળાઓ અને હોસ્પિટલોમાં પણ સ્વચ્છતા અભિયાન હાથ ધરવામાં આવશે. પીએમ મોદીના વ્યક્તિત્વ અને ઉપલબ્ધિઓ પર 15 દિવસનું પ્રદર્શન પણ યોજવામાં આવશે.
