PM મોદીનું આગમન એટલે વિકાસના સૂરજનો ઉદય: શિવરાજ સિંહ ચૌહાણ
Jharkhand election 2024: ઝારખંડ વિધાનસભા ચૂંટણી માટે તડામાડ તૈયારીઓ શરૂ થઇ ગઇ છે. રાજ્યમાં બે તબક્કામાં મતદાન થશે અને મતગણતરી 23 નવેમ્બરે થશે. દરમિયાન, ઝારખંડમાં તમામ પક્ષો મતદારોને રીઝવવામાં વ્યસ્ત છે. જુદી જુદી યોજનાઓ લાવવાની વાત થઇ રહી છે. આ દરમિયાન હવે કેન્દ્રીય મંત્રી અને ભાજપના ઝારખંડ ચૂંટણી પ્રભારી શિવરાજ સિંહ ચૌહાણે કહ્યું કે, પીએમ મોદી ઝારખંડના લોકોના હૃદયમાં વસે છે, રાજ્યની જનતાએ પીએમ મોદી પર વિશ્વાસ વ્યક્ત કર્યો છે. રાંચી અને ઝારખંડ તેના આગમનની રાહ જોઈ રહ્યા છે. તેઓ આજે બે જાહેર સભા અને રોડ શો કરશે. પીએમ મોદીનું આગમન એટલે વિકાસના સૂરજનો ઉદય. ઝારખંડમાં વિકાસનો સૂરજ ઉગશે. ભાજપ-એનડીએ અહીં ચૂંટણી જીતશે.
#WATCH | #JharkhandElection2024 | Ranchi: Union Minister and BJP's Jharkhand election-incharge, Shivraj Singh Chouhan says, "PM Modi resides in the hearts of people of Jharkhand. People of the state have placed their trust in PM Modi. Ranchi and Jharkhand are awaiting his… pic.twitter.com/bfG2ZZriSi
— ANI (@ANI) November 10, 2024
નોંધનીય છે કે, ઝારખંડ અને મહારાષ્ટ્રમાં એક જ સમયે વિધાનસભા ચૂંટણી યોજાવા જઈ રહી છે. આ ચૂંટણીઓમાં સીએમ યોગી દ્વારા ‘બટેંગે તો કટેંગે’નો નારો આપવામાં આવ્યો હતો. આ નિવેદન બાદ બંને રાજ્યોનું રાજકારણ ગરમાયું છે. આ સ્લોગન પર આધારિત સ્લોગન ઘણી જગ્યાએ પાર્ટીઓ દ્વારા લાવવામાં આવ્યા છે. દરમિયાન, ભાજપના ‘બટેંગે તો કટેંગે’ના નારા પર સીએમ હેમંત સોરેને આકરા પ્રહારો કર્યા છે. શનિવારે રાંચીમાં તેમના રહેણાંક કાર્યાલયમાં મીડિયા સાથે વાત કરતા તેમણે કહ્યું કે હેમંત સોરેને દાવો કર્યો કે રાજ્યની વિધાનસભા ચૂંટણીમાં ભાજપને હારનો સામનો કરવો પડશે.
શિવરાજ સિંહ ચૌહાણે શું કહ્યું?
નોંધનીય છે કે, ઝારખંડ વિધાનસભા ચૂંટણીને ધ્યાનમાં રાખીને ઝારખંડમાં ચૂંટણી પ્રચારે જોર પકડ્યું છે. દુમકામાં એક ચૂંટણી રેલીને સંબોધતા કેન્દ્રીય મંત્રી શિવરાજ સિંહ ચૌહાણે કહ્યું કે ઝારખંડના લોકો આ ધરતીની રોટી, દીકરી અને માટીને બચાવવા માટે સંકલ્પબદ્ધ છે. તેમણે વધુમાં કહ્યું કે આ સંત પરગણામાં આદિવાસી ભાઈ-બહેનોની વસ્તી માત્ર 28 ટકા છે. ક્યારેક તે 44 ટકા હતી. શિવરાજ સિંહ ચૌહાણે આરોપ લગાવ્યો હતો કે જેએમએમ અને કોંગ્રેસના નેતાઓએ લોકોની મહેનતની કમાણી લૂંટી છે અને તેમના સપના પર પાણી ફેરવ્યું છે.
