PM Modi Sri Lanka Visit: PM મોદી કોલંબો પહોંચ્યા, રાષ્ટ્રપતિ દિસનાયકે સાથે કરશે મુલાકાત
PM Modi Sri Lanka Visit: PM નરેન્દ્ર મોદી આજે સાંજે શ્રીલંકાની રાજધાની કોલંબો ત્રણ દિવસની મુલાકાતે પહોંચ્યા. પીએમ મોદી શ્રીલંકામાં ત્રણ દિવસ સુધી રાષ્ટ્રપતિ દિસાનાયકે સાથે તમામ દ્વિપક્ષીય સંબંધો પર ચર્ચા કરશે. મળતી માહિતી મુજબ, PM મોદી આજે રાષ્ટ્રપતિ અનુરા કુમારા દિસાનાયકે સાથે સહયોગ વધારવા બેઠક કરશે. આ બેઠક બાદ ભારત અને શ્રીલંકા વચ્ચે સંરક્ષણ, ઉર્જા સુરક્ષા અને ડિજિટલાઇઝેશનના ક્ષેત્રોમાં સહયોગ વધારવા સહિત લગભગ 10 પરિણામો બહાર આવવાની સંભાવના છે.
PM Narendra Modi tweets, "Landed in Colombo. Grateful to the ministers and dignitaries who welcomed me at the airport. Looking forward to the programmes in Sri Lanka." pic.twitter.com/xHom2DrNIp
— ANI (@ANI) April 4, 2025
પીએમ મોદીની શ્રીલંકાની મુલાકાત એવા સમયે થઈ રહી છે જ્યારે આ ટાપુ રાષ્ટ્ર આર્થિક તણાવમાંથી બહાર આવવાના સંકેતો બતાવી રહ્યું છે. ત્રણ વર્ષ પહેલાં દેશ મોટા આર્થિક સંકટનો સામનો કરી રહ્યો હતો અને ભારતે 4.5 બિલિયન યુએસ ડોલરની નાણાકીય સહાય પૂરી પાડી હતી. પીએમ મોદીએ બે દેશોની મુલાકાત માટે રવાના થતા પહેલા ગુરુવારે એક નિવેદનમાં કહ્યું, “અમને ‘શેર્ડ ફ્યુચર માટે ભાગીદારી પ્રોત્સાહન’ના અમારા સંયુક્ત વિઝન પર થયેલી પ્રગતિની સમીક્ષા કરવાની અને અમારા સહિયારા ઉદ્દેશ્યોને સાકાર કરવા માટે વધુ માર્ગદર્શન આપવાની તક મળશે.” ત્રણ મહિના પહેલા શ્રીલંકાના રાષ્ટ્રપતિની નવી દિલ્હી મુલાકાત દરમિયાન સંયુક્ત અભિગમ અપનાવવામાં આવ્યો હતો.
