કન્યાકુમારી પહોંચ્યા PM મોદી, વિવેકાનંદની પ્રતિમા સામે ધ્યાન મુદ્રામાં બેઠા વડાપ્રધાન
કન્યાકુમારી: કન્યાકુમારીમાં વિવેકાનંદ મેમોરિયલ ખાતે વડાપ્રધાન નરેન્દ્ર મોદીનું ધ્યાન કરી રહ્યા છે. પીએમ મોદી વિવેકાનંદની પ્રતિમા સામે ધ્યાન કરી રહ્યા છે. પીએમ મોદીએ કન્યાકુમારીમાં 45 કલાક ધ્યાનમાં બેસશે. વડાપ્રધાન મોદીનું ધ્યાન આવતીકાલે એટલે કે શનિવારે સાંજ સુધી ચાલુ રહેશે. સાતમા તબક્કાના મતદાન પહેલા પીએમ મોદી કન્યાકુમારીમાં ધ્યાન કરી રહ્યા છે. પીએમ મોદી આ સમય દરમિયાન સુધી મૌન રહેશે.
વડાપ્રધાન ગઈકાલે મોડી સાંજથી વિવેકાનંદ રોક મેમોરિયલમાં ધ્યાન કરી રહ્યા છે. 75 દિવસની લાંબી ચૂંટણી પ્રક્રિયા બાદ ગઈકાલે સાંજે જ્યારે પ્રચારનો ઘોંઘાટ ઓછો થયો ત્યારે વડાપ્રધાન ગઈકાલે એટલે કે ગુરુવારે ધ્યાન કરવા કન્યાકુમારી પહોંચ્યા હતા. PM મોદી 1 જૂનની સાંજ સુધી ધ્યાન મંડપમમાં ધ્યાન કરશે. આ એ જ જગ્યા છે જ્યાં સ્વામી વિવેકાનંદે 1892માં ધ્યાન કર્યું હતું. ત્યાં વિવેકાનંદની પ્રતિમા છે જ્યાં પીએમ મોદી ધ્યાન કરી રહ્યા છે.
પીએમ મોદી કન્યાકુમારી પહોંચ્યા
ચૂંટણીનો પ્રચાર શાંત થતાં જ પીએમ મોદી કન્યાકુમારી પહોંચ્યા. સૌ પ્રથમ તેઓ ભગવતી અમ્મન ગયા. દક્ષિણ ભારતીય પારંપારિક વસ્ત્રોમાં સજ્જ , ખુલ્લા પગે અને હાથ જોડીને પીએમ મોદી મંદિરની અંદર ગયા. આ પછી મંદિરમાં હાજર પૂજારીઓએ પીએમ માટે વિધિવત પૂજા કરી હતી. સાંજની આરતીમાં હાજરી આપી હતી. મંદિરની પરિક્રમા કરી. પીએમ મોદીને માતાની તસવીર પણ અર્પણ કરવામાં આવી હતી. તમને જણાવી દઈએ કે અમ્માન મંદિર 108 શક્તિપીઠોમાંથી એક છે. આ મંદિર લગભગ 3000 વર્ષ જૂનું છે.
અમ્મન મંદિરમાં પ્રાર્થના કર્યા બાદ વડાપ્રધાન મોદી બોટમાં વિવેકાનંદ રોક મેમોરિયલના ધ્યાન મંડપમ પહોંચ્યા. ધ્યાન મંડપમમાં તેમણે વિવેકાનંદ અને રામ કૃષ્ણ પરમહંસ સામે હાથ જોડ્યાા. ફૂલ અર્પણ કર્યા. આ પછી પીએમ મોદી ધ્યાન માં બેઠા. વિવેકાનંદ રોક મેમોરિયલ જ્યાં પીએમ મોદી ધ્યાન કરી રહ્યા છે તે વાસ્તવમાં એ જ જગ્યા છે જ્યાં 132 વર્ષ પહેલા શિકાગો જતા પહેલા સ્વામી વિવેકાનંદે તપ કર્યું બતું, જ્યાં તેમણે ત્રણ દિવસ તપ કર્યું અને ધ્યાન કર્યું હતું.
India’s sunrise pic.twitter.com/UnyWdtgadJ
— BJP (@BJP4India) May 31, 2024
કન્યાકુમારીમાં તપશ્ચર્યાની સ્વામી વિવેકાનંદના જીવન પર ઊંડી અસર પડી. એવું માનવામાં આવે છે કે અહીં વિવેકાનંદને ભારત માતા વિશે દૈવી જ્ઞાન પ્રાપ્ત થયું હતું અને તેમણે વિકસિત ભારતનું સ્વપ્ન જોયું હતું.
