PM મોદીએ યુક્રેનના રાષ્ટ્રપતિ ઝેલેન્સકીને આપ્યું BHISHM Cube ભેટમાં…!
BHISHM Cube: વડાપ્રધાન નરેન્દ્ર મોદી એક દિવસની મુલાકાતે યુક્રેન પહોંચ્યા હતા. યુક્રેનના રાષ્ટ્રપતિ ઝેલેન્સકીએ તેમનું સ્વાગત કર્યું છે. આ દરમિયાન પીએમ નરેન્દ્ર મોદી અને રાષ્ટ્રપતિ ઝેલેન્સકીએ યુક્રેનમાં શાંતિ અને સુરક્ષા અંગે પણ વાત કરી હતી. પીએમએ આ મુલાકાત દરમિયાન યુક્રેનના રાષ્ટ્રપતિને BHISHM Cube અર્પણ કર્યું છે. આજે અમે તમને જણાવીશું કે BHISHM Cube શું છે અને તેને કેવી રીતે ડિઝાઇન કરવામાં આવ્યું છે.
યુક્રેનની મદદ માટે ભારતની પહેલ
ભારત સરકારે BHISHM પહેલની કરી રચના#PMModi #PMModiInUkraine #PMModiUkraineVisit @PMOIndia @narendramodi #BHISHM @heem_khatri #GujaratiNews #NewsCapitalGujarat #JaneCheGujarat pic.twitter.com/z4PFvmLwsQ— NewsCapital Gujarat (@NewsCapitalGJ) August 23, 2024
પીએમ નરેન્દ્ર મોદીએ યુક્રેનની મુલાકાત દરમિયાન રાષ્ટ્રપતિ ઝેલેન્સકી સાથે મુલાકાત કરી હતી. પીએમ મોદી કિવમાં રહેતા ભારતીયોને પણ મળ્યા છે. નોંધનીય છે કે પીએમ મોદીની આ મુલાકાત એવા સમયે થઈ રહી છે જ્યારે રશિયા અને યુક્રેન વચ્ચે કેટલાય મહિનાઓથી યુદ્ધ ચાલી રહ્યું છે. ભારતે રશિયા અને યુક્રેન વચ્ચે યુદ્ધ અને શાંતિ રોકવાની અપીલ કરી હતી.
PMની ખાસ ભેટ
પીએમ નરેન્દ્ર મોદીએ આ મુલાકાત દરમિયાન યુક્રેનના રાષ્ટ્રપતિને BHISHM Cube ભેટમાં આપ્યું છે. નોંધનીય છે કે, BHISHM Cube એક પોર્ટેબલ મોબાઈલ હોસ્પિટલ જેવું છે, જેને ડિઝાસ્ટર મેનેજમેન્ટ અને ઈમરજન્સી મેડિકલ સપોર્ટ માટે તૈયાર કરવામાં આવ્યું છે. શું તમે જાણો છો કે આ BHISHM Cube શું છે અને તે કેવી રીતે કામ કરે છે, જે પીએમ મોદીએ યુક્રેનના રાષ્ટ્રપતિને ભેટમાં આપ્યું હતું.
BHISHM Cube શું છે?
હવે પ્રશ્ન એ છે કે BHISHM Cube શું છે. તમને જણાવી દઈએ કે BHISHM Cube એક પોર્ટેબલ મોબાઈલ હોસ્પિટલ જેવું છે, જેને ડિઝાસ્ટર મેનેજમેન્ટ અને ઈમરજન્સી મેડિકલ સપોર્ટ માટે તૈયાર કરવામાં આવ્યું છે. તે ‘પ્રોજેક્ટ BHISHM’ એટલે કે સહકાર, હિત અને મિત્રતા માટે ભારત આરોગ્ય પહેલ હેઠળ વિકસાવવામાં આવ્યું છે. આ પ્રોજેક્ટની જાહેરાત ફેબ્રુઆરી 2022માં કરવામાં આવી હતી. પીએમ નરેન્દ્ર મોદીના નેતૃત્વમાં ભીષ્મ પ્રોજેક્ટની શરૂઆત કરવામાં આવી હતી. આ પોર્ટેબલ હોસ્પિટલનો હેતુ આપત્તિગ્રસ્ત વિસ્તારોમાં ઝડપી તબીબી સહાય પૂરી પાડવાનો છે. આ વૈશ્વિક માનવતાવાદી પ્રયત્નોમાં દેશની વધતી ભૂમિકાને પ્રતિબિંબિત કરે છે. BHISHM Cube દ્વારા આપત્તિ અને યુદ્ધગ્રસ્ત વિસ્તારોમાં જરૂરીયાતમંદો સુધી ઝડપી સારવાર પહોંચી શકે છે.
શા માટે આ BHISHM Cube વિશેષ છે?
BHISHM Cube આધુનિક મેડિકલ એન્જિનિયરિંગનું અદ્ભુત ઉદાહરણ છે. તેની સૌથી ખાસ વાત એ છે કે તેને પેરાશૂટ દ્વારા આપત્તિ અને યુદ્ધ પ્રભાવિત વિસ્તારોમાં સરળતાથી છોડી શકાય છે. આ ક્યુબ એકસાથે 200 અસરગ્રસ્ત લોકોને હેન્ડલ કરવામાં તાત્કાલિક મદદરૂપ થઈ શકે છે. માહિતી અનુસાર, તેનું વજન 720 કિલો છે. આ યુનિટમાં 72 સરળતાથી પરિવહન કરી શકાય તેવા ઘટકો છે. ક્યુબની નવીન ડિઝાઇન તેને માત્ર 12 મિનિટથી ઓછા સમયમાં શરૂ કરવાની મંજૂરી આપે છે. આ કટોકટીની પરિસ્થિતિઓમાં મહત્વપૂર્ણ ભૂમિકા ભજવશે.
મોર્ડન મેડિકલ એન્જિનિયરિંગ
તમને જણાવી દઈએ કે આ ક્યુબ્સ ખૂબ જ મજબૂત, વોટરપ્રૂફ અને હળવા છે. આ બોક્સ અત્યાધુનિક તબીબી સાધનોથી સજ્જ છે, જેમાં ઓપરેશન થિયેટર, એક્સ-રે મશીન, વેન્ટિલેટર અને વિવિધ ઇજાઓની સારવાર માટેની સુવિધાઓનો સમાવેશ થાય છે. BHISHM Cube આપત્તિ વ્યવસ્થાપન માટે એક વ્યાપક ઉપાય છે. તેની મજબૂત, વોટરપ્રૂફ ડિઝાઇન વિવિધ વાતાવરણમાં ટકાઉપણું સુનિશ્ચિત કરે છે. આટલું જ નહીં વિમાનથી લઈને જમીન પર પરિવહન પણ કરી શકાય છે.
શું BHISHM Cube ગેમ ચેન્જર સાબિત થશે?
BHISHM Cube આર્ટિફિશિયલ ઇન્ટેલિજન્સ (AI) અને ડેટા એનાલિટિક્સનું સંકલન કરે છે. તમને જણાવી દઈએ કે ભારતીય વાયુસેનાએ મે 2024માં આગરાના માલપુરા ડ્રોપિંગ ઝોનમાં BHISHM ક્યુબની તૈનાતીનું સફળ પરીક્ષણ કર્યું હતું. આગરા સ્થિત એર ડિલિવરી રિસર્ચ એન્ડ ડેવલપમેન્ટ એસ્ટાબ્લિશમેન્ટ (ADRDE) દ્વારા વિકસિત ખાસ ડિઝાઇન કરાયેલ પેરાશૂટનો ઉપયોગ કરીને ક્યુબને 1500 ફૂટની ઊંચાઈથી નીચે ઉતારવામાં આવ્યું હતું.
