IIFA એવોર્ડની સિલ્વર જ્યુબિલી પર PM મોદીએ વ્યક્ત કરી ખુશી, 25 વર્ષ પૂરા થવા પર લખ્યો ખાસ સંદેશ

PM Narendra Modi: ગયા અઠવાડિયે રાજસ્થાનના જયપુરમાં આયોજિત IIFA એવોર્ડ્સમાં ઘણા સ્ટાર્સે હાજરી આપી હતી. 25માં એવોર્ડ સમારોહનું સંચાલન કાર્તિક આર્યન અને કરણ જોહર દ્વારા કરવામાં આવ્યું હતું. શાહરૂખ ખાન, કરીના કપૂર અને નોરા ફતેહીએ તેમના શાનદાર પ્રદર્શનથી એવોર્ડ નાઈટમાં આકર્ષણ જમાવ્યું હતું. હવે PM નરેન્દ્ર મોદીએ IIFA એવોર્ડ્સ 2025ના 25 વર્ષ પૂર્ણ થવા પર સિનેમા સાથે સંકળાયેલા લોકોને અભિનંદન આપવા માટે એક ખાસ સંદેશ લખ્યો છે અને આગામી સંસ્કરણો વિશે પણ વાત કરી છે. તેમજ એવોર્ડ શોની સફળતા માટે શુભેચ્છા પાઠવી હતી.

IIFAની સિલ્વર જ્યુબિલી પર નરેન્દ્ર મોદીનો સંદેશ
IIFAના ઓફિશિયલ ઈન્સ્ટાગ્રામ એકાઉન્ટે PM નરેન્દ્ર મોદી દ્વારા જારી કરાયેલ લેટર શેર કર્યો છે. તેમાં લખ્યું હતું, ‘મને ઇન્ટરનેશનલ ઇન્ડિયન ફિલ્મ એકેડેમી (IIFA) એવોર્ડ્સના 25મા સંસ્કરણ વિશે જાણીને આનંદ થયો. અઢી દાયકાની આ સફર એ તમામ લોકોની મહેનતને પ્રતિબિંબિત કરે છે જેમણે IIFAને ખરેખર યાદગાર બનાવ્યું છે – નિર્માતાઓ, દિગ્દર્શકો, અભિનેતાઓ, સંગીતકારો, ટેકનિશિયનો અને સિનેમા સાથે સંકળાયેલા દરેક વ્યક્તિએ એવોર્ડ શોને શાનદાર બનાવ્યો છે. લેટરમાં વધુ લખ્યું, ‘IFA જેવા પ્લેટફોર્મ્સ એ સુનિશ્ચિત કરે છે કે આવી સિનેમેટિક પ્રતિભાની ઉજવવામાં આવે અને તેને પ્રોત્સાહન મળે. IIFAની આ 25મા સંસ્કરણ ખૂબ જ સફળ રહ્યો છે. આ આગામી 25 વર્ષના વિકાસ અને સિદ્ધિ માટે પ્રેરણા છે.

IIFA 2025 ટીવી પર ક્યારે ટેલિકાસ્ટ થશે?
આ વર્ષે 8 અને 9 માર્ચે જયપુરમાં ડિજિટલ ફિલ્મ એવોર્ડ્સ અને થિયેટ્રિકલ રિલીઝ માટે બે સમારોહનું આયોજન કરવામાં આવ્યું હતું. ‘લાપતા લેડીઝ’ ને 10 અલગ અલગ શ્રેણીઓમાં પુરસ્કારો મળ્યા. આ એવોર્ડ શો 16 માર્ચ, રવિવારના રોજ ઝી ટીવી પર જોઈ શકાશે. જેનું પ્રસારણ રાત્રે 8 વાગ્યે થશે. આ પ્રસંગે રાજસ્થાનના મુખ્યમંત્રી ભજનલાલ શર્મા અને નાયબ મુખ્યમંત્રી દિયા કુમારી પણ હાજર રહ્યા હતા. કરણ જોહરે PM નરેન્દ્ર મોદી દ્વારા મોકલવામાં આવેલ સંદેશ વાંચીને એવોર્ડની શરૂઆત કરી હતી.