Live: શિયાળુ સત્રનો ત્રીજો દિવસ, પ્રિયંકા ગાંધીએ સાંસદ તરીકે શપથ લીધા
Delhi: સંસદના શિયાળુ સત્રની કાર્યવાહીનો આજે ગુરુવારે ત્રીજો દિવસ છે. પરંતુ હજુ સુધી બંને ગૃહોની કાર્યવાહી સુચારૂ રીતે ચાલી નથી. સત્રના પ્રથમ બે દિવસ હોબાળોથી ભરેલા રહ્યા હતા. સોમવારે પ્રથમ દિવસે લોકસભા અને રાજ્યસભાની કાર્યવાહી સુચારૂ રીતે ચાલી શકી ન હતી અને બુધવારે પણ આવી જ સ્થિતિ રહી હતી. અદાણી કેસ અને ઉત્તર પ્રદેશના સંભલમાં થયેલા રમખાણોને લઈને વિપક્ષી સાંસદો તરફથી સંસદના બંને ગૃહોમાં હંગામો થઈ રહ્યો છે. શિયાળુ સત્ર દરમિયાન બંને ગૃહોની કુલ 19 બેઠકો યોજાવાની છે.
- લોકસભા બાદ રાજ્યસભાની કાર્યવાહી પણ વિપક્ષી સાંસદોના હંગામાને કારણે બપોરે 12 વાગ્યા સુધી સ્થગિત કરી દેવામાં આવી છે.
- વિપક્ષી સાંસદોના હોબાળાને કારણે લોકસભાની કાર્યવાહી બપોરે 12 વાગ્યા સુધી સ્થગિત કરવામાં આવી.
- કોંગ્રેસના નેતાઓ પ્રિયંકા ગાંધી વાડ્રા અને રવિન્દ્ર વસંતરાવ ચવ્હાણે શપથ લીધા પછી તરત જ વિપક્ષી સાંસદોએ હંગામો શરૂ કર્યો. સ્પીકર ઓમ બિરલાએ સાંસદોને સતત સંયમ જાળવવા કહ્યું, પરંતુ તેની કોઈ અસર થઈ નહીં.
- કોંગ્રેસ નેતા પ્રિયંકા ગાંધીએ આજે લોકસભા સાંસદ તરીકે શપથ લીધા છે. તે કેરળની વાયનાડ બેઠક પરથી સાંસદ તરીકે ચૂંટાયા છે.
- લોકસભાની કાર્યવાહી શરૂ થઈ ગઈ છે. કોંગ્રેસ નેતા પ્રિયંકા ગાંધી વાડ્રા આજે સાંસદ તરીકે શપથ લઈ રહ્યા છે.
- કોંગ્રેસ નેતા પ્રિયંકા ગાંધી વાડ્રા આજે સાંસદ તરીકે શપથ લેવા જઈ રહ્યા છે. તે પોતાની માતા સોનિયા ગાંધી સાથે સંસદ ભવન પહોંચ્યા છે.
मैं प्रियंका गांधी वाड्रा…
जो लोक सभा की सदस्य निर्वाचित हुई हूं, सत्यनिष्ठा से प्रतिज्ञान करती हूं कि मैं विधि द्वारा स्थापित भारत के संविधान के प्रति सच्ची श्रद्धा और निष्ठा रखूंगी।
मैं भारत की प्रभुता और अखंडता अक्षुण्ण रखूंगी तथा जिस पद को मैं ग्रहण करने वाली हूं, उसके… pic.twitter.com/3iN7PHwuIq
— Congress (@INCIndia) November 28, 2024
કોંગ્રેસ નેતા પ્રિયંકા ગાંધી વાડ્રા તેમના નિવાસસ્થાનેથી સંસદ જવા રવાના થઈ ગયા છે. તેમના સમર્થકોએ તેમની કાર પર ફૂલોની વર્ષા કરી હતી. ગયા અઠવાડિયે કેરળની વાયનાડ લોકસભા બેઠક પરથી પેટાચૂંટણી જીત્યા બાદ તે પ્રથમ વખત સાંસદ તરીકે શપથ લેશે, કોંગ્રેસના નેતાઓ પ્રિયંકા ગાંધી વાડ્રા અને રવિન્દ્ર વસંતરાવ ચવ્હાણ ગુરુવારે લોકસભામાં સાંસદ તરીકે શપથ લેશે. તેઓ ગયા અઠવાડિયે યોજાયેલી લોકસભા પેટાચૂંટણીમાં અનુક્રમે વાયનાડ અને નાંદેડ બેઠકો પરથી ચૂંટાયા હતા.
આ પણ વાંચો: ‘કાશ્મીર છોડો, કામની વાત કરો’, બેલારુસના રાષ્ટ્રપતિએ પાકિસ્તાની PMના ધજાગરાં ઉડાવ્યાં
