ઇમરાન ખાનની પત્ની બુશરા બીબીને મોટો ઝટકો, કોર્ટે જામીન અરજી ફગાવી

Pakistan: પાકિસ્તાનના પૂર્વ વડાપ્રધાન ઇમરાન ખાનને મોટો ઝટકો લાગ્યો છે. ઇસ્લામાબાદ કોર્ટે તેમની પત્ની બુશરા બીબીની વચગાળાની જામીન અરજી ફગાવી દીધી છે. બુશરા બીબીએ ત્રણ વચગાળાની જામીન અરજીઓ દાખલ કરી હતી. બુશરા બીબીના વકીલે કાર્યવાહી દરમિયાન મુક્તિ અરજી રજૂ કરી હોવા છતાં ઇસ્લામાબાદના એડિશનલ સેશન્સ જજ મુહમ્મદ અફઝલ મુજોકાએ અરજી ફગાવી દીધી હતી.

સુનાવણી દરમિયાન, સરકારી વકીલ ઇકબાલ કખરે કોર્ટમાં જણાવ્યું હતું કે જામીન બોન્ડ જમા કરાવી દેવામાં આવ્યા છે. ન્યાયાધીશે કહ્યું ના, બોન્ડ પોસ્ટ કરવામાં આવ્યો નથી. કોર્ટની સુનાવણી દરમિયાન, એડવોકેટ ખાલિદ યુસુફ ચૌધરીએ જણાવ્યું હતું કે 19 કરોડ યુરોના કેસમાં ચુકાદા માટે બુશરા બીબી આજે અદિયાલા જેલમાં હાજર થવાના છે. આ પછી, કોર્ટે પાકિસ્તાન તહરીક-એ-ઇન્સાફ (PTI) ના સ્થાપક ઇમરાન ખાનની પત્ની દ્વારા દાખલ કરાયેલી તમામ 3 વચગાળાની જામીન અરજીઓ ફગાવી દીધી.

ઇમરાન ખાન અને બુશરા બીબી પર ભ્રષ્ટાચારના આરોપો
પાકિસ્તાનના ભૂતપૂર્વ વડા પ્રધાન ઇમરાન ખાન અને તેમની પત્ની બુશરા બીબી પર 190 મિલિયન પાઉન્ડ (લગભગ ૧૯ કરોડ યુરો) ના ભ્રષ્ટાચારનો આરોપ છે, જે અલ-કાદિર ટ્રસ્ટ કેસ સાથે સંબંધિત છે. બંને પર આરોપ છે કે ઇમરાન ખાન અને અન્ય આરોપીઓએ યુકે (યુનાઇટેડ કિંગડમ) નેશનલ ક્રાઇમ એજન્સી (NCA) પાસેથી મળેલા 50 અબજ પાકિસ્તાની રૂપિયા (તે સમયે 190 મિલિયન પાઉન્ડ સમકક્ષ) ખોટી રીતે ફાળવ્યા હતા, જેનાથી પાકિસ્તાની સરકારને નુકસાન થયું હતું.

આ પણ વાંચો: 11 વર્ષ બાદ જેલમાંથી બહાર આવશે આસારામ, દુષ્કર્મ કેસમાં મળ્યા વચગાળાના જામીન