પાકિસ્તાન: મરિયમ નવાઝે હિંદુઓને આપી દિવાળી ભેટ, શીખો માટે કરી ખાસ જાહેરાત
Pakistan: ભારતની સાથે સાથે વિશ્વભરના હિંદુઓ અને શીખો ગુરુ નાનકની જન્મજયંતિ અને દિવાળીની તૈયારીઓમાં વ્યસ્ત છે. આ અવસર પર પાડોશી દેશ પાકિસ્તાનના પંજાબ પ્રાંતની સરકારે લઘુમતીઓ માટે ખાસ જાહેરાત કરી છે. મરિયમ નવાઝ શરીફની આગેવાની હેઠળની પંજાબ સરકારે જાહેરાત કરી હતી કે તે ગુરુ નાનકની જન્મજયંતિ અને દિવાળી પહેલા 2,200 શીખ અને હિંદુ પરિવારોને 10,000 પાકિસ્તાની રૂપિયા આપશે.
પંજાબ સરકારના પ્રવક્તાએ બુધવારે જણાવ્યું હતું કે મુખ્યમંત્રીએ અધિકારીઓને અમારા હિંદુ અને શીખ ભાઈઓને તહેવાર કાર્ડ આપવાની પ્રક્રિયા તાત્કાલિક શરૂ કરવાનો નિર્દેશ આપ્યો છે. આ વર્ષે પંજાબમાં રહેતા 2200 હિંદુ અને શીખ પરિવારોને તહેવાર કાર્ડ પ્રોગ્રામ હેઠળ આર્થિક સહાય આપવામાં આવશે.
પાકિસ્તાનમાં મોટાભાગના લઘુમતી સમુદાયોની આર્થિક સ્થિતિ ખૂબ જ ખરાબ છે. તેથી તહેવાર પહેલા આ મદદ તેમના માટે સારું પગલું માનવામાં આવી રહ્યું છે.
પૈસા કેવી રીતે મેળવશો?
પાકિસ્તાનની પંજાબ સરકાર ગુરુ નાનકની જન્મજયંતિ અને દિવાળીની ઉજવણી માટે રાજ્યના 2200 શીખ અને હિંદુ પરિવારોને 10,000 પાકિસ્તાની રૂપિયા (લગભગ 3,000 રૂપિયા)ના ‘ફેસ્ટિવલ કાર્ડ્સ’ આપશે.
આ પણ વાંચો: પાટણમાંથી ઝડપાયું સબસીડાઇઝ યુરિયા ખાતર, કિંમત 10 લાખ કરતાં પણ વધારે
અધિકારીઓએ પીટીઆઈને જણાવ્યું કે ગુરુ નાનક દેવની 555મી જન્મજયંતિ માટે આવતા મહિને આવનારા વિદેશી તીર્થયાત્રીઓ માટે પણ વિશેષ વ્યવસ્થા કરવામાં આવી રહી છે. પંજાબ કેબિનેટે ‘ફેસ્ટિવલ કાર્ડ’ પહેલને મંજૂરી આપી છે. જેના દ્વારા આ પરિવારોને તેમના ધાર્મિક તહેવારોની ઉજવણી માટે નાણાકીય સહાય મળશે.
દિવાળી ક્યારે ઉજવાશે?
આ વર્ષે દિવાળી 31 ઓક્ટોબરથી 2 નવેમ્બર સુધી મનાવવામાં આવશે અને ગુરુ નાનક જયંતિ 15 નવેમ્બરે છે. પાકિસ્તાન સરકાર ઘણીવાર લઘુમતીઓના અધિકારોની સુરક્ષાને લઈને ચિંતિત રહે છે, એવું માનવામાં આવે છે કે મરિયમ નવાઝનું આ પગલું આ છબીને સુધારી શકે છે.
પાકિસ્તાનમાં હિંદુઓની કુલ વસ્તી લગભગ 53 લાખ છે અને તે દેશનો બીજો સૌથી મોટો ધર્મ છે. જ્યારે શીખ સમુદાયની વસ્તી 15,998 છે અને પારસી સમુદાયની વસ્તી લગભગ 2348 છે.
