પાકિસ્તાને ભારતના S-400ને તોડી પાડવાનો દાવો કર્યો, PMએ પોઝ આપીને જૂઠનો પર્દાફાશ કર્યો
PM Modi in Adampur Airbase: ભારત-પાકિસ્તાન વચ્ચેનો તણાવ હવે ઓછો થયો છે અને બંને દેશો વચ્ચે યુદ્ધવિરામની ઘોષણા કરવામાં આવી છે. હાલમાં બંને દેશો વચ્ચે શાંતિ છે. આ દરમિયાન, પાકિસ્તાનનું એક જુઠ્ઠાણું ખુલ્લું પડી ગયું છે. હકીકતમાં જ્યારે ભારત અને પાકિસ્તાન વચ્ચે હુમલા ચાલી રહ્યા હતા, ત્યારે પાકિસ્તાને દાવો કર્યો હતો કે તેણે ભારતની એર ડિફેન્સ સિસ્ટમ S-400ને નષ્ટ કરી દીધી છે. પરંતુ આજે પીએમ મોદીએ એ જ એર ડિફેન્સ સિસ્ટમથી પોતાનો ફોટો પડાવ્યો છે અને તેને પોતાના એક્સ હેન્ડલ પર પોસ્ટ કર્યો છે. આ તસવીરમાં પીએમની પાછળ S-400 જોવા મળી રહ્યું છે. આવી સ્થિતિમાં એવું કહેવામાં આવી રહ્યું છે કે પાકિસ્તાનના જુઠ્ઠાણાનો પર્દાફાશ થઈ ગયો છે.
Sharing some more glimpses from my visit to AFS Adampur. pic.twitter.com/G9NmoAZvTR
— Narendra Modi (@narendramodi) May 13, 2025
પાકિસ્તાને શું દાવો કર્યો?
પાકિસ્તાને દાવો કર્યો હતો કે તેણે ભારતની S-400 એર ડિફેન્સ સિસ્ટમને નષ્ટ કરી દીધી છે, પરંતુ ભારતીય સેનાએ આ વાતનો ઇનકાર કર્યો હતો. પાકિસ્તાને દાવો કર્યો હતો કે તેના JF-17 ફાઇટર જેટ્સે આદમપુરમાં ભારતના S-400 ને તોડી પાડ્યું હતું. પરંતુ પીએમ મોદી દ્વારા તેમના સોશિયલ મીડિયા હેન્ડલ પર પોસ્ટ કરાયેલી તસવીરમાં, S-400 સંપૂર્ણપણે ઠીક દેખાઈ રહ્યું છે. તે સ્પષ્ટ છે કે ગભરાયેલા પાકિસ્તાને S-400 અંગે ભારત વિરુદ્ધ જુઠ્ઠાણા ફેલાવ્યા છે.
