સર્જરી બાદ વાપસી માટે તૈયાર PAK ક્રિકેટર નસીમ શાહ, પ્રેક્ટિસનો વીડિયો થયો વાયરલ

તાજેતરમાં એશિયા કપ દરમિયાન પાકિસ્તાની ફાસ્ટ બોલર નસીમ શાહ ઈજાનો શિકાર બન્યો હતો. જે બાદ નસીમ શાહ મેદાનથી દૂર હતો. તેમજ ODI વર્લ્ડ કપ પણ રમી શક્યો નથી. જોકે, નસીમ શાહે સર્જરી બાદ નેટ્સમાં પ્રેક્ટિસ શરૂ કરી દીધી છે. અગાઉ નસીમ શાહની સર્જરી થઈ હતી. હાલમાં નસીમ શાહ લાહોરના નેશનલ ક્રિકેટ સ્ટેડિયમમાં પ્રેક્ટિસ કરી રહ્યો છે. માનવામાં આવી રહ્યું છે કે નસીમ શાહ ટૂંક સમયમાં પાકિસ્તાન ક્રિકેટ ટીમમાં વાપસી કરી શકે છે. જોકે, પરત ફરતા પહેલા નસીમ શાહે ફિટનેસ ટેસ્ટ પાસ કરવી પડશે.

વીડિયો સોશિયલ મીડિયા પર કર્યો શેર

નસીમ શાહે આ વીડિયો સોશિયલ મીડિયા પર શેર કર્યો છે. આ વીડિયોમાં જોઈ શકાય છે કે તે કોઈપણ સમસ્યા વિના સરળતાથી બોલિંગ કરી રહ્યો છે. જે બાદ માનવામાં આવી રહ્યું છે કે નસીમ શાહ સંપૂર્ણપણે ફિટ થઈ ગયા છે. જો કે તે પાકિસ્તાની ટીમમાં ક્યારે પરત ફરે છે તે જોવું રસપ્રદ રહેશે.

Alhamdulillah 🤲🏼 pic.twitter.com/hcxLfZUyOU

— Naseem Shah (@iNaseemShah) January 10, 2024

આવી રહી છે નસીમ શાહની કારકિર્દી

નસીમ શાહે 17 ટેસ્ટ મેચો સિવાય પાકિસ્તાન માટે 14 ODI અને 19 T20 મેચ રમી છે. ટેસ્ટ મેચોમાં આ બોલરે 33.82ની એવરેજથી 51 વિકેટ લીધી છે. જ્યારે વનડે મેચોમાં નસીમ શાહે 16.97ની એવરેજથી 31 બેટ્સમેનોને આઉટ કર્યા છે. આ સિવાય ટી20 ફોર્મેટમાં નસીમ શાહના નામે 15 વિકેટ છે. આ રીતે, આંકડા દર્શાવે છે કે પાકિસ્તાન માટે નસીમ શાહનો રેકોર્ડ શાનદાર રહ્યો છે. જોકે, નસીમ શાહની વાપસી પાકિસ્તાન માટે સારા સમાચાર છે. ખાસ કરીને વિપક્ષી બેટ્સમેનો હરિસ રઉફના બોલ પર સરળતાથી રન બનાવી રહ્યા છે. આવી સ્થિતિમાં નસીમ શાહની વાપસીથી પાકિસ્તાની ટીમને રાહત મળી શકે છે.