જો ભારતીય સેના આપણું કંઈ ન શકી તો આ BLA શું કરશે: પાક. આર્મી ચીફ જનરલ
Pak Army: પાકિસ્તાન આર્મી ચીફ જનરલ અસીમ મુનીરનું વધુ એક નિવેદન સામે આવ્યું છે. પહેલા વિડીયોમાં તેમણે ભારત અને હિન્દુઓ વિરુદ્ધ ઝેર ઓક્યું અને પાકિસ્તાનીઓને કહ્યું કે, આપણે ધર્મમાં, આપણા વિચારોમાં, આપણી મહત્વાકાંક્ષાઓમાં ભારત અને હિન્દુઓથી અલગ છીએ. આપણે બે રાષ્ટ્ર છીએ અને એક ન બની શકીએ. તમે લોકો આ વાત તમારા બાળકોને કહો. આવું નફરતભર્યું નિવેદન આપ્યા બાદ જનરલ મુનીરે વધુ એક ઉશ્કેરણીજનક નિવેદન આપ્યું છે.
#BREAKING Pakistan Army Chief General Asim Munir attacks #India in a diatribe and appears to be really rattled by #Balochistan and the escalating conflict there. #FreeBalochistan pic.twitter.com/YryAkF7tiS
— Taha Siddiqui (@TahaSSiddiqui) April 16, 2025
પાકિસ્તાનમાં આતંકવાદીઓ પર બોલતી વખતે તેણે ભારતીય સેનાને આડે હાથ લીધી હતી અને પોતાનો ઘમંડ બતાવ્યો હતો. મુનીરે કહ્યું કે લોકો અફવાઓ ફેલાવી રહ્યા છે, જો તે વિચારે છે કે આતંકવાદીઓ આપણી ઓળખ છીનવી લેશે… તો તેમને ધ્યાનથી સાંભળો, આ પાકિસ્તાન એક મહાન દેશ છે અને આપણી સેના પણ મહાન છે. જ્યારે 13 લાખ ભારતીય સેના આપણું કશું કરી શકી નથી, આપણને ખતમ કરી શકી નથી… તો આ આતંકવાદીઓ પાકિસ્તાની સેનાનું શું કરશે?
પાક આર્મી ચીફે કહ્યું કે બલૂચિસ્તાન પાકિસ્તાનના કપાળ પરનો ઝુમ્મર છે.
વીડિયોમાં પાકિસ્તાની આર્મી ચીફ કહેતા જોવા મળે છે કે બલુચિસ્તાન પાકિસ્તાનની ઓળખ છે. જોકે પાકિસ્તાનના કપાળ પરનું ઝુમ્મર છે… તમે 1500 લોકો કહેશો કે અમે તેને લઈ જઈશું. તમારી આગામી 10 પેઢીઓ પણ તેને છીનવી શકશે નહીં. ઇન્શા અલ્લાહ, આ આતંકવાદીઓનો ટૂંક સમયમાં નાશ થશે. તેમનું આ નિવેદન સોશિયલ મીડિયા પર વાયરલ થઈ રહ્યું છે, પરંતુ પાકિસ્તાની સેનાના આર્મી ચીફ કદાચ ભૂલી ગયા હશે કે બાંગ્લાદેશના ભાગલા સમયે, પાકિસ્તાની સેનાના ચીફ અને તેમના 90 હજારથી વધુ સૈનિકોએ ભારત સમક્ષ આત્મસમર્પણ કર્યું હતું.
