PM મોદીના જન્મદિવસ પર અજમેર શરીફ દરગાહમાં શાકાહારી ભોજન પીરસવામાં આવશે
PM Modi birthday: અજમેર શરીફ દરગાહ PM નરેન્દ્ર મોદીના 74માં જન્મદિવસ પર લંગરનું આયોજન કરવા જઈ રહી છે. 17 સપ્ટેમ્બરે દરગાહ મેનેજમેન્ટ દ્વારા 4000 કિલો શાકાહારી ભોજન પીરસવામાં આવશે. અજમેર શરીફ ગદ્દી નશીન સૈયદ અફશાન ચિશ્તીના જણાવ્યા અનુસાર લંગરના ભોજનમાં ચોખા, શુદ્ધ ઘી, ડ્રાય ફ્રૂટ્સ વગેરેથી બનેલું હશે. આ ભોજન આસ્થાવાન અને ગરીબોમાં વહેંચવામાં આવશે.
દરગાહના અધિકારીઓના જણાવ્યા અનુસાર, આ કાર્યક્રમ ‘સેવા પખવાડા’નો એક ભાગ છે. આ લંગર પ્રખ્યાત ‘બડે શાહી દાગ’માં તૈયાર કરવામાં આવશે, જે હઝરત ખ્વાજા મોઇનુદ્દીન ચિશ્તી સાથે જોડાયેલી 550 વર્ષ જૂની પરંપરાનો ભાગ છે. વડાપ્રધાન નરેન્દ્ર મોદીની સુરક્ષા માટે વિશેષ પ્રાર્થનાનું પણ આયોજન કરવામાં આવશે.
ANI સાથે વાત કરતા ચિશ્તીએ કહ્યું, ‘PM મોદીના જન્મદિવસ પર દેશના ધાર્મિક સ્થળો પર સેવા કાર્યક્રમોનું આયોજન કરવામાં આવશે. આ અવસર પર અમે 4000 કિલો શાકાહારી ભોજન તૈયાર કરીશું, જેમાં ચોખા, શુદ્ધ ઘી અને ડ્રાયફ્રૂટ્સ હશે અને તેનું વિતરણ કરીશું. ગરીબોને ભોજન પણ આપવામાં આવશે.
ભારતીય લઘુમતી ફાઉન્ડેશન અને ચિશ્તી ફાઉન્ડેશન લંગરનું આયોજન કરશે. બધા મહેમાનો અને ભક્તોને તેમાં હાજરી આપવાની મંજૂરી આપવામાં આવશે. સમારંભ રાત્રે 10:30 કલાકે શરૂ થશે. કુરાનની આયતો વાંચવામાં આવશે અને કવ્વાલીનું પણ આયોજન કરવામાં આવશે.
