સંવિધાનની માળા જપનારાઓએ એ જ 70 વર્ષ સુધી તેનું અપમાન કર્યુંઃ મોદી
નર્મદાઃ વડાપ્રધાન નરેન્દ્ર મોદીએ રાષ્ટ્રીય એકતા દિવસની સાથે સાથે દિવાળીની પણ શુભેચ્છા પાઠવી હતી. તેમણે કહ્યુ હતુ કે, આ વખતે રાષ્ટ્રીય એકતા દિવસ એક અદ્ભુત સંયોગ લઈને આવ્યો છે. આજે એક તરફ આપણે એકતાનો તહેવાર મનાવી રહ્યા છીએ તો બીજી તરફ દિવાળીનો પવિત્ર તહેવાર છે. હવે દિવાળીનો તહેવાર ભારતને વિશ્વ સાથે જોડાઈ રહ્યો છે અને ઘણા દેશો તેને રાષ્ટ્રીય તહેવાર તરીકે ઉજવી રહ્યા છે.
વડાપ્રધાને કહ્યું કે, ‘સરદાર પટેલની 150મી જન્મજયંતિ વર્ષ આજથી શરૂ થઈ રહી છે. આગામી બે વર્ષ સુધી દેશ સરદાર પટેલની 150મી જન્મજયંતિની ઉજવણી કરશે. આ ભારત પ્રત્યેના તેમના અસાધારણ યોગદાનને શ્રદ્ધાંજલિ છે. જ્યારે દેશને આઝાદી મળી ત્યારે વિશ્વમાં એવા ઘણા લોકો હતા જેઓ ભારતના વિઘટનનું મૂલ્યાંકન કરી રહ્યા હતા, તેમને એવી આશા નહોતી કે સેંકડો રજવાડાઓને એક કરીને એક ભારતનું નિર્માણ થશે, પરંતુ સરદાર સાહેબે તે કરી બતાવ્યું.’
જમ્મુ-કાશ્મીરમાંથી અનુચ્છેદ 370 હટાવવા પર બોલતા વડાપ્રધાન મોદી બોલ્યા હતા કે, ‘બંધારણની માળા જપનારાએ સંવિધાનનું અપમાન કર્યું હતું. આઝાદીના સાત દાયકા પછી એક દેશ અને એક બંધારણનો સંકલ્પ પણ પૂરો થયો છે. સરદાર સાહેબને મારી આ સૌથી મોટી શ્રદ્ધાંજલિ છે. બાબાસાહેબ આંબેડકરનું બંધારણ 70 વર્ષ સુધી સમગ્ર દેશમાં લાગુ થયું ન હતું. બંધારણની માળા જપનારાઓએ બંધારણનું આવું ઘોર અપમાન કર્યું છે. કારણ જમ્મુ-કાશ્મીરમાં કલમ 370ની કલમ લાગુ હતી. કલમ 370 કાયમ માટે દફનાવી દેવામાં આવી છે. આ વિધાનસભા ચૂંટણીમાં પ્રથમ વખત ભેદભાવ વગર મતદાન થયું હતું. પ્રથમ વખત ત્યાંના મુખ્યમંત્રીએ ભારતના બંધારણ પર શપથ લીધા છે. આ દ્રશ્યે ભારતના બંધારણના નિર્માતાઓને અપાર સંતોષ આપ્યો હશે અને આ બંધારણના ઘડવૈયાઓને અમારી નમ્ર શ્રદ્ધાંજલિ છે.’
