14 વર્ષ જૂના કેસમાં EDએ કરી મોટી કાર્યવાહી, જગન રેડ્ડી અને દાલમિયાની 800 કરોડ રૂપિયાની સંપત્તિ જપ્ત

Money Laundering Case: હૈદરાબાદમાં મની લોન્ડરિંગ કેસમાં EDએ મોટી કાર્યવાહી કરી છે. જેમાં ED એ ભૂતપૂર્વ મુખ્યમંત્રી વાયએસ જગન મોહન રેડ્ડીની 27.5 કરોડ રૂપિયાની સંપત્તિ અને દાલમિયા સિમેન્ટ્સની 793.3 કરોડ રૂપિયાની જમીન પણ જપ્ત કરી છે. તમને જણાવી દઈએ કે સીબીઆઈએ 2011 માં કેસ નોંધ્યો હતો.

આ પણ વાંચો: રોહિત શર્માએ વાનખેડે સ્ટેડિયમમાં ઇતિહાસ રચ્યો, IPLમાં ખાસ ‘સદી’ પૂર્ણ કરી

14 વર્ષ પછી કાર્યવાહી
હૈદરાબાદમાં મની લોન્ડરિંગ કેસમાં EDએ 14 વર્ષ પછી કાર્યવાહી કરી છે. EDએ આંધ્ર પ્રદેશના ભૂતપૂર્વ મુખ્યમંત્રી વાયએસ જગન મોહન રેડ્ડીના 27.5 કરોડ રૂપિયાના શેર અને મિલકતો કામચલાઉ રીતે જપ્ત કરી છે. આ કાર્યવાહી મની લોન્ડરિંગ કેસ હેઠળ કરવામાં આવી છે. આ કેસ ‘ક્વિડ પ્રો ક્વો’ રોકાણો સાથે સંબંધિત છે, જેમાં સીબીઆઈએ વર્ષ 2011 માં એફઆઈઆર નોંધી હતી. ડીસીબીએલનું કહેવું છે કે જપ્ત કરાયેલી સંપત્તિની કિંમત રૂપિયા 793.3 કરોડ છે.