હવે પેન્શનરોને જ્યાં ત્યાં ભટકવું નહીં પડે, મોદી સરકારે લીધો મોટો નિર્ણય
EPS Pensioners: દેશના EPS પેન્શનરો માટે એક મોટા સમાચાર સામે આવ્યા છે. હવે પેન્શનરોને પેન્શન માટે જ્યાં ત્યાં ભટકવું નહીં પડે. હવે તેઓ દેશની કોઈપણ બેંકમાં જઈને પેન્શનના પૈસા લઈ શકશે. મોદી સરકારે બુધવારે આ અંગે મોટો નિર્ણય લીધો છે. આ યોજના આવતા વર્ષે 1 જાન્યુઆરી, 2025થી લાગુ કરવામાં આવશે. સરકારના આ નિર્ણયથી દેશના 78 લાખ EPS પેન્શનરોને ફાયદો થશે.
કેન્દ્ર સરકારે કહ્યું કે હવે EPFOની પેન્શન સ્કીમ હેઠળ લોકો દેશની કોઈપણ બેંકમાંથી તેમનું પેન્શન લઈ શકશે. આ સંદર્ભે કેન્દ્રીય શ્રમ અને રોજગાર મંત્રી મનસુખ માંડવિયાએ કર્મચારી પેન્શન યોજના (EPS) 1995 માટે સેન્ટ્રલાઈઝ્ડ પેન્શન પેમેન્ટ સિસ્ટમ (CPPS)ના પ્રસ્તાવને મંજૂરી આપી હતી. આ અંતર્ગત પેન્શનધારકોની સુવિધા માટે કોઈપણ બેંકમાંથી પેન્શનના પૈસા ઉપાડવાની વ્યવસ્થા કરવામાં આવી છે.
આ પણ વાંચો: પ્રયાગરાજમાં નકલી નોટો છાપતું મદરેસા સીલ, વિદ્યાર્થીઓના આતંકવાદી કનેક્શનની તપાસ શરૂ
દેશના 78 લાખથી વધુ લોકોને મળશે લાભ
CPPS દ્વારા સરકારના આ નિર્ણયથી 78 લાખથી વધુ EPFO પેન્શનરોને ફાયદો થશે. હવે પેન્શનરોને તેમનું પેન્શન એક બેંકમાંથી બીજી બેંકમાં ટ્રાન્સફર કરવાની જરૂર નહીં પડે. હવે તેઓ દેશના કોઈપણ ખૂણેથી અને કોઈપણ શાખામાંથી કોઈપણ અવરોધ વિના તેમના પૈસા ઉપાડી શકશે.
ગામમાં જઈને પણ સરળતાથી પેન્શન મળશે
કેન્દ્ર સરકારના આ નિર્ણયથી એવા લોકોને વધુ રાહત મળશે જેઓ નિવૃત્તિ બાદ પોતાના વતન કે ગામમાં જાય છે. આ સુવિધા 1 જાન્યુઆરી, 2025થી દેશભરમાં લાગુ થશે. ઉપરાંત લોકોએ વેરિફિકેશન માટે વારંવાર શાખાની મુલાકાત લેવાની જરૂર રહેશે નહીં. આ ઉપરાંત નવી સિસ્ટમથી પેન્શન વિતરણના ખર્ચમાં પણ ઘટાડો થવાની અપેક્ષા છે.
