લોહીના આંસુએ રડશે ઇઝરાયલ… હિજબુલ્લાહ ચીફે ધમકાવ્યા તો નેતન્યાહૂ બોલ્યા – આવ જરા, તને પણ જોઈ લઉં!

નવી દિલ્હી: મિડલ ઇસ્ટમાં ફરી એકવાર યુદ્ધના બ્યુગલો ફૂંકાઈ રહ્યા છે. ઇઝરાયલે હમાસની કમર તોડીને અશાંતિ ફેલાવી છે. પહેલા હિઝબુલ્લાના ચીફ ફુઆદ શુકરની હત્યા, પછી હમાસ ચીફ ઈસ્માઈલ હાનિયેહની હત્યા… ઈઝરાયલે મિડલ ઇસ્ટમાં ખળભળાટ મચાવ્યો છે. ઈઝરાયલની ઝડપી કાર્યવાહીથી હિઝબુલ્લાહ સ્તબ્ધ થઈ ગયું છે. હિઝબુલ્લાએ બદલો લેવાની પ્રતિજ્ઞા લીધી છે. ચીફ હસન નસરાલ્લાહે ઈઝરાયલને ધમકી આપતા કહ્યું છે કે, ઈઝરાયલે તમામ હદ વટાવી દીધી છે અને હવે તે લોહીના આંસુ રડાવશે. પરંતુ બેન્જામિન નેતન્યાહુએ સ્પષ્ટ કહ્યું છે કે, ઈઝરાયલ દરેક કાર્યવાહીનો યોગ્ય જવાબ આપવા માટે તૈયાર છે.

હિઝબુલ્લાના ચીફ હસન નસરાલ્લાહે કહ્યું કે, ‘ઈઝરાયલે હિઝબુલ્લા કમાન્ડર ફુઆદ શુકર અને હમાસ ચીફ ઈસ્માઈલ હાનિયેહને મારીને રેડ લાઇન ક્રોસ કરી દીધી છે. તેમણે તૈયાર રહેવું પડશે. યુદ્ધ હવે નવા તબક્કામાં પ્રવેશ્યું છે. આવનારા દિવસોમાં ઇઝરાયલીઓ ખૂબ રડશે.’

આ પણ વાંચોઃ જો યુદ્ધ થાય તો કોણ વધુ મજબૂત… ઇરાન કે ઇઝરાયલ? જાણો બંનેની તાકાત

શું હિઝબુલ્લાહ ઇઝરાયલને લોહીના આંસુએ રડાવશે?
હસન નસરાલ્લાહે આ વાત એવા સમયે કરી છે કે જ્યારે ઈઝરાયલ હિઝબુલ્લાહ દ્વારા જવાબી કાર્યવાહી તેમજ હમાસ દ્વારા જવાબી કાર્યવાહી માટે તૈયાર છે. કારણ કે ઈઝરાયલે હમાસ અને હિઝબુલ્લાહ બંનેને ભારે દુઃખ પહોંચાડ્યું છે. જો કે, હિઝબુલ્લાએ પણ બદલો લેવાનું શરૂ કરી દીધું છે. ફુઆદ શુકરની હત્યાના 48 કલાકમાં જ હિઝબુલ્લાહે લેબનોનથી ઇઝરાયલમાં રોકેટ છોડ્યા અને ગભરાટ ફેલાવ્યો છે. હિઝબુલ્લાએ સંકેત આપ્યો છે કે, તે ઇઝરાયેલ પર હુમલો કરીને જ શાંત થશે.

નસરાલ્લાહે યુદ્ધની ઘોષણા કરી
ટોચના હિઝબુલ્લાહ કમાન્ડર ફુઆદ શુકરના અંતિમ સંસ્કારમાં તેમના ભાષણમાં નસરાલ્લાહે કહ્યું કે, હિઝબુલ્લાહ ગાઝા અને પેલેસ્ટિનિયન લોકોને ટેકો આપવા માટે કિંમત ચૂકવી રહી છે, પરંતુ ઉમેર્યું કે તેમનું જૂથ હવે સમર્થનના તબક્કાથી આગળ વધી ગયું છે અને તેણે જાહેરમાં તમામ મોરચે યુદ્ધની વાત કરી છે. ઉલ્લેખનીય છે કે, મંગળવારની સાંજે શુકરની હત્યા ઈરાન સમર્થિત આતંકવાદી જૂથ પર લગભગ બે દાયકામાં સૌથી મોટો હુમલો હતો અને તેનાથી ગાઝા યુદ્ધની સાથે ઈઝરાયલ-લેબનોન સરહદ પર તણાવ વધી ગયો છે.

આ પણ વાંચોઃ ફુઆદ શુકરની હત્યાથી ગુસ્સે થયેલા હિઝબુલ્લાએ ઇઝરાયલ પર છોડ્યા રોકેટ

નેતન્યાહુએ કહ્યું – અમે પણ તૈયાર છીએ
એક ભાષણમાં ઇઝરાયલના વડાપ્રધાન બેન્જામિન નેતન્યાહૂએ કહ્યું કે, ઇઝરાયલ વિરુદ્ધ કોઈપણ હુમલા માટે તૈયાર છે. જો અમારા પર હુમલો થશે તો અમે જોઈશું. તેમણે કહ્યું કે, ‘ઈઝરાયલ કોઈપણ પરિસ્થિતિ માટે સંપૂર્ણ રીતે તૈયાર છે. આપણે પોતાનો બચાવ કરી શકીએ છીએ અને હુમલો પણ કરી શકીએ છીએ. કોઈપણ વિસ્તારમાંથી અમારી સામે કોઈપણ હુમલાની અમે ખૂબ જ ભારે કિંમતથી વસૂલીશું.’ આ દરમિયાન હસન નસરાલ્લાહે કહ્યું કે, ઈઝરાયલને યોગ્ય જવાબ આપવામાં આવશે.