અમેરિકન સ્વિમરે અત્યાર સુધીમાં 162 દેશોએ જીતેલા મેડલ્સ કરતા વધુ મેડલ જીત્યા

Michael Phelps: માઈકલ ફેલ્પ્સને લઈ એવું કહી શકાય કે તે સર્વકાલીન મહાન ઓલિમ્પિયન છે. જ્યારે કેટલાક એવી દલીલ કરી શકે છે કે યુસૈન બોલ્ટ, કાર્લ લુઈસ અથવા કેટી લેડેસ્કી જેવા અન્ય એથ્લેટ્સને આ ખિતાબ મળવો જોઈએ, ફેલ્પ્સની મેડલની સંખ્યા જ પોતાનામાં આ વાતનો પુરાવો આપે છે. ભલે ફેલ્પ્સે એવી રમતમાં ભાગ લીધો હતો જેમાં અત્યંત સક્ષમ એથ્લેટ વિવિધ અંતર અને સ્ટ્રોકમાં ગોલ્ડ મેડલ જીતી શકે છે, તેમ છતાં તેની સિદ્ધિઓ અન્ય કોઈપણ રમતવીરને ટક્કર આપવા માટે પૂરતી છે.

અમેરિકાના ખેલાડીએ 23 ગોલ્ડ મેડલ સહિત 28 મેડલ જીત્યા છે, જે તેના નજીકના હરીફો કરતા બમણાથી પણ વધુ છે. સ્વિમિંગમાં તેના સિવાય માત્ર ત્રણ એથ્લેટ્સ છે જેમણે છથી વધુ ગોલ્ડ મેડલ જીત્યા છે. તેમાં માર્ક સ્પિટ્ઝ (યુએસએ, નવ ગોલ્ડ), મેટ બિયોન્ડી (યુએસએ, આઠ ગોલ્ડ) અને જેની થોમ્પસન (યુએસએ, આઠ ગોલ્ડ)ના નામનો સમાવેશ થાય છે. જ્યારે ફેલ્પ્સે કુલ 23 ગોલ્ડ મેડલ જીતીને બધાને ચોંકાવી દીધા હતા.

ફેલ્પ્સ દાવાપૂર્વક ઇતિહાસનો સર્વશ્રેષ્ઠ તરવૈયા છે તેને માત્ર તેના રેકોર્ડને કારણે જ નહીં પણ તેની લાંબી કારકિર્દીને કારણે પણ સર્વકાલીન મહાન રમતવીર માનવામાં આવે છે. 30 જૂન, 1985ના રોજ મેરીલેન્ડના બાલ્ટીમોરમાં જન્મેલા માઈકલ ફેલ્પ્સે સાત વર્ષની ઉંમરે સ્વિમિંગ શરૂ કર્યું હતું. તેણે નોર્થ બાલ્ટીમોર એક્વેટિક ક્લબમાં કોચ બોબ બોમેન હેઠળ તાલીમ લીધી અને ટૂંક સમયમાં જ ઘણા વય જૂથના રેકોર્ડ તોડ્યા હતા.

તેનું વિશાળ શરીર, પહોળા ખભા અને મોટા પગ પાણીમાં ફિન્સની જેમ કામ કરે છે, જે તેના શરીરને સ્વિમિંગ માટે સંપૂર્ણ રીતે અનુકૂળ બનાવે છે. માઈકલ ફેલ્પ્સનું શરીર સ્વિમિંગ માટે એટલું પરફેક્ટ છે કે તેણે ઓલિમ્પિક રમતમાં સૌથી વધુ મેડલ જીત્યા છે – પાંચ સમર ગેમ્સમાં કુલ 28 મેડલ. જેમાં કુલ 23 ગોલ્ડ મેડલ, 3 સિલ્વર અને 2 બ્રોન્ઝ મેડલ સામેલ છે. તમને જાણીને નવાઈ લાગશે પરંતુ માઈકલ ફેલ્પ્સ એ દુનિયાના 162 દેશોના રમતવીરોથી પણ વધુ મેડલ જીત્યા છે.

ફેલ્પ્સના અદભૂત ઓલિમ્પિક પ્રદર્શન પર એક નજર

ઓલિમ્પિક ગેમ્સ	ઈવેન્ટ	મેડલ
એથેન્સ 2004	200 મીટર બટરફ્લાય	ગોોલ્ડ
એથેન્સ 2004	100 મીટર બટરફ્લાય	ગોલ્ડ
એથેન્સ 2004	200 મીટર મેડલે	ગોલ્ડ
એથેન્સ 2004	400 મીટર મેડલે	ગોલ્ડ
એથેન્સ 2004	4x200m ફ્રીસ્ટાઇલ	ગોલ્ડ
એથેન્સ 2004	4×100 મીટર મેડલે	ગોલ્ડ
એથેન્સ 2004	4×100 મીટર ફ્રી સ્ટાઇલ	બ્રોન્ઝ
એથેન્સ 2004	4×100 મીટર ફ્રી સ્ટાઇલ	બ્રોન્ઝ
બેઇજિંગ 2008	200 મીટર ફ્રી સ્ટાઇલ	ગોલ્ડ
બેઇજિંગ 2008	100 મીટર બટરફ્લાય	ગોલ્ડ
બેઇજિંગ 2008	200 મીટર બટરફ્લાય	ગોલ્ડ
બેઇજિંગ 2008	200 મીટર મેડલે	ગોલ્ડ
બેઇજિંગ 2008	400 મીટર મેડલી ગોલ્ડ	ગોલ્ડ
બેઇજિંગ 2008	4×100 મીટર ફ્રી સ્ટાઇલ	ગોલ્ડ
બેઇજિંગ 2008	4×100 મીટર મેડલી ગોલ્ડ	ગોલ્ડ
બેઇજિંગ 2008	4×100 મીટર મેડલે	ગોલ્ડ
લંડન 2012	100 મીટર બટરફ્લાય	ગોલ્ડ
લંડન 2012	200 મીટર મેડલે	ગોલ્ડ
લંડન 2012	4x200m ફ્રીસ્ટાઇલ	ગોલ્ડ
લંડન 2012	4x100m મેડલી ગોલ્ડ	ગોલ્ડ
લંડન 2012	4×100 મીટર ફ્રી સ્ટાઇલ	સિલ્વર
લંડન 2012	4×100 મીટર ફ્રી સ્ટાઇલ	સિલ્વર
રિયો 2016	200 મીટર બટરફ્લાય	ગોલ્ડ
રિયો 2016	200 મીટર મેડલી ગોલ્ડ	ગોલ્ડ
રિયો 2016	4x100m ફ્રીસ્ટાઇલ	ગોલ્ડ
રિયો 2016	4x200m ફ્રીસ્ટાઇલ ગોલ્ડ	ગોલ્ડ
રિયો 2016	100 મીટર બટરફ્લાય	સિલ્વર
રિયો 2016	100 મીટર બટરફ્લાય	સિલ્વર