મહારાષ્ટ્ર સરકારે ખોલી તિજોરી, મહિલાઓને દર મહિને મળશે રૂ. 1500; ખેડૂતોના વીજ બિલ માફ
Maharashtra budget 2024-25: મહારાષ્ટ્રની NDA સરકારે ચૂંટણીની સિઝનમાં રજૂ કરેલા બજેટમાં મોટી જાહેરાતો કરી છે. નાણામંત્રી અજિત પવાર દ્વારા રજૂ કરાયેલા બજેટમાં મધ્યપ્રદેશની લાડલી બ્રાહ્મણ યોજનાની જેમ મહિલાઓને દર મહિને 1500 રૂપિયા આપવાની જાહેરાત કરવામાં આવી છે. 21 થી 60 વર્ષની મહિલાઓને આ યોજનાનો લાભ મળશે. આ યોજના 1 જુલાઈથી જ લાગુ કરવામાં આવશે. મતલબ કે આવતા મહિનાથી રાજ્યની મહિલાઓને 1500 રૂપિયા મળવાનું શરૂ થઈ જશે. આ યોજના માટે 46 હજાર કરોડ રૂપિયાનું વાર્ષિક બજેટ નક્કી કરવામાં આવ્યું છે.
Watch: "We are announcing Mukhyanantri Majhi Ladki Bahin (Chief Minister My Beloved Sister). Under this scheme, all women aged 21-60 will receive Rs 1500 per month. The scheme will be implemented from July 2024." – Maharashtra Deputy CM and NCP Chief Ajit Pawar at the State… pic.twitter.com/r2OZN8Fl3u
— IANS (@ians_india) June 28, 2024
મહારાષ્ટ્ર વિધાનસભા ચૂંટણી પહેલા એકનાથ શિંદે સરકારે આ નિર્ણય લીધો છે. આવી સ્થિતિમાં તેને ચૂંટણીનો દાવ તરીકે પણ જોવામાં આવી રહ્યો છે. રાજ્યમાં વેટમાં ઘટાડો કરવામાં આવ્યો છે અને તેના કારણે પેટ્રોલ અને ડીઝલના ભાવમાં પણ ઘટાડો થયો છે. અન્ય કલ્યાણકારી યોજનાની જાહેરાત કરતા નાણામંત્રીએ કહ્યું કે 5 સભ્યોના પરિવારને દર વર્ષે ત્રણ સિલિન્ડર મફતમાં આપવામાં આવશે. તેને મુખ્યમંત્રી અન્નપૂર્ણા યોજના નામ આપવામાં આવ્યું છે. એકનાથ શિંદે સરકારે ખેડૂતોને રીઝવવાનો પ્રયાસ કરતાં બાકી વીજળી બિલો માફ કરવાની જાહેરાત કરી છે. તેનાથી 44 લાખ ખેડૂતોને ફાયદો થશે.
At the State Assembly, Maharashtra Deputy CM and NCP chief Ajit Pawar says, "We are announcing Mukhyanantri Majhi Ladki Bahin (CM My Beloved Sister). Under this, all women will be given Rs 1500 per month. Scheme will be implemented from July 2024." pic.twitter.com/yUV0z3Pv7h
— ANI (@ANI) June 28, 2024
આ યોજનાઓ સિવાય રાજ્યમાં વેટમાં ઘટાડો થવાને કારણે પેટ્રોલના ભાવમાં 65 પૈસાનો ઘટાડો થયો છે. આ સિવાય ડીઝલમાં પણ 2.07 રૂપિયાનો ઘટાડો થયો છે. ડીઝલના ભાવ ઘટવાથી ખેડૂતોને પણ ફાયદો થશે. રાજ્ય સરકારના આ બજેટમાંથી એવી અપેક્ષા રાખવામાં આવી હતી કે આગામી થોડા મહિનામાં ચૂંટણીઓ યોજાવાની હોવાથી કેટલીક કલ્યાણકારી યોજનાઓ જાહેર કરવામાં આવશે. એકનાથ શિંદે સરકારે પોતાના બજેટથી આ ચર્ચાઓને સાચી સાબિત કરી છે.
