વધુ એક ટ્રેન અકસ્માત, સોમનાથ એક્સપ્રેસના 2 ડબ્બા પાટા પરથી ઉતર્યા; મુસાફરોમાં ભયનો માહોલ

Madhya Pradesh: મધ્યપ્રદેશના જબલપુરમાં એક ટ્રેન અકસ્માત થયો છે. જબલપુરમાં સોમનાથ એક્સપ્રેસના બે ડબ્બા પાટા પરથી ઉતરી ગયા હતા. જોકે, સારી વાત એ છે કે આ ઘટનામાં કોઈને ઈજા થવાના સમાચાર નથી. રેલ્વેએ એક નિવેદન જાહેર કર્યું છે અને તેના અનુસાર ટ્રેનના બે ડબ્બા જે શરૂઆતમાં જોડાયેલા હતા. પાટા પરથી ઉતરી ગયા હતા. તમામ મુસાફરો સુરક્ષિત છે.

ટ્રેન ઈન્દોરથી આવી રહી હતી
પશ્ચિમ મધ્ય રેલવેના સીપીઆરઓ હર્ષિત શ્રીવાસ્તવે જણાવ્યું કે, “ટ્રેન ઈન્દોરથી આવી રહી હતી. જ્યારે તે જબલપુર રેલવે સ્ટેશનના પ્લેટફોર્મ નંબર 6 તરફ જઈ રહી હતી ત્યારે ટ્રેન ધીમી ગતિએ આગળ વધી રહી હતી અને 2 ડબ્બા પાટા પરથી ઉતરી ગયા હતા. તમામ મુસાફરો સુરક્ષિત છે. “ટ્રેન સવારે 5.50 વાગ્યે પ્લેટફોર્મથી લગભગ 150 મીટરના અંતરે પાટા પરથી ઉતરી ગઈ હતી.”

#WATCH | Madhya Pradesh: Harshit Shrivastava, CPRO, West Central Railway says, "The train was coming from Indore. When it was heading towards Jabalpur railway station's platform number 6, the train was moving slowly and 2 coaches derailed. All passengers are safe. The incident… https://t.co/8zzhTjTgdV pic.twitter.com/lIEEIHkp4u

— ANI (@ANI) September 7, 2024

ટ્રેન સવારે 5:30 વાગ્યે જબલપુર સ્ટેશને પહોંચવાની હતી. જ્યારે આ અકસ્માત થયો ત્યારે ટ્રેન 20 કિલોમીટર પ્રતિ કલાકની ઝડપે દોડી રહી હતી. આ ઘટનાની તપાસના આદેશ આપવામાં આવ્યા છે. ઘટના બાદ અનેક મુસાફરોનો સામાન નીચે પડી ગયો હતો. ટ્રેન સ્ટેશન પર આવવાની હતી અને લોકો ઉતરવાના હતા ત્યારે મુસાફરો ટ્રેનના દરવાજા પાસે ઉભા હતા.

#WATCH | Two coaches of Indore- Jabalpur Overnight Express derailed in Jabalpur, Madhya Pradesh. No casualties/injuries reported.

More details awaited pic.twitter.com/A8y0nqoD0r

— ANI (@ANI) September 7, 2024

કાનપુર ટ્રેન દુર્ઘટનાનું કાવતરું!
ગયા મહિને જ કાનપુરમાં એક મોટો ટ્રેન અકસ્માત થયો હતો. વારાણસીથી અમદાવાદ જઈ રહેલી સાબરમતી એક્સપ્રેસ પાટા પરથી ઉતરી ગઈ હતી. ટ્રેનના 22 ડબ્બા પાટા પરથી ઉતરી ગયા હતા. જો કે કોઈ મુસાફરે જીવ ગુમાવ્યો ન હતો. આ કેસમાં એક મોટા ષડયંત્રનો પણ ખુલાસો થયો હતો.

આ પણ વાંચો: ડ્રોન બાદ હવે રોકેટથી હુમલો, મણિપુરમાં કોણ સળગાવી રહ્યું છે આ આગ?

રેલ્વે મંત્રી અશ્વિની વૈષ્ણવે પોતે સોશિયલ મીડિયા પ્લેટફોર્મ પર પોસ્ટ કરીને લખ્યું કે ટ્રેન પાટા પર રાખવામાં આવેલી કોઈ વસ્તુ સાથે અથડાઈ અને પછી પાટા પરથી ઉતરી ગઈ. તેમણે કહ્યું હતું કે અથડામણના નિશાન અને પુરાવા સાચવી રાખવામાં આવ્યા છે અને હવે પોલીસની સાથે આઈબી આ કેસની તપાસ કરી રહી છે.

આ ઘટના બાદ 400 મીટર ટ્રેક તૂટી ગયો હતો. ટ્રેનના ડ્રાઈવરે પણ જાણ કરી હતી કે તે કોઈ વસ્તુ સાથે અથડાઈ હતી. પ્રથમ દૃષ્ટિએ એવું કહેવામાં આવ્યું હતું કે એન્જિન સાથે બોલ્ડર અથડાવાના કારણે અકસ્માત થયો હતો.