મોટો નિર્ણય, ભારતમાં હવે નહીં વેચાય હ્યુડાઈ કંપનીની આ મસ્ત ફીચર્ડ કાર
![](https://newscapita7e21f6b31c.blob.core.windows.net/blobnewscapita7e21f6b31c/2024/06/car-667d293b0ae3b.jpg)
Kona SUV: કાર પ્રેમીઓ માટે એક ખરાબ સમાચાર છે. Hyundai હવે ભારતમાં માત્ર 5 વર્ષ પહેલા લોન્ચ થયેલી SUVનું વેચાણ ન કરવાનો મોટો નિર્ણય કર્યો છે. કંપનીએ તેની સત્તાવાર વેબસાઇટ પરથી તેનું નામ પણ હટાવી દીધું છે. દક્ષિણ કોરિયાની કંપનીએ તેની ઇલેક્ટ્રિક કાર કોનાને ભારતમાં વધુ વેચવાનો નિર્ણય કર્યો છે. કંપનીએ આ મોડલ વર્ષ 2019 માં લોન્ચ કર્યું હતું, પરંતુ ગ્રાહકો તરફથી સારો પ્રતિસાદ મળ્યો ન હતો અને આખરે તેને ભારતમાં બંધ કરવાનો નિર્ણય લેવામાં આવ્યો છે.
કિંમત પર એક નજર
જ્યારે આ કાર લૉંચ કરવામાં આવી ત્યારે તેની એક્સ-શો કિંમત 25.30 લાખ રૂપિયા રાખવામાં આવી હતી. ગ્રાહકોના પ્રતિસાદના અભાવને કારણે કંપનીએ પણ કિંમતોમાં લગભગ રૂ. 2 લાખનો ઘટાડો કર્યો. વર્તમાન કિંમત રૂ. 23.84 લાખ થઈ ગઈ. વેચાણના અભાવને કારણે, હવે આ કારનું વેચાણ ચાલું ન રાખવાનો નિર્ણય લેવામાં આવ્યો છે. આ કારે બજારમાં Tata Nexon, MG ZS EV, Mahindra XUV 400 EV સાથે સ્પર્ધા કરી હતી. તેને બંધ કર્યા પછી, હવે Hyundai પાસે તેની એકમાત્ર ઇલેક્ટ્રિક કાર તરીકે IONIQ 5 બાકી છે.
આ પણ વાંચો: Marutiની Hybrid એન્જિન CNG કાર, ફીચર્સ જોઈને આજે જ બુકિંગ કરાવી દેશો
કોઈ ફેરફાર ન કરાયા
બજાર વિશ્લેષકોના મતે કંપનીએ છેલ્લા 5 વર્ષમાં આ કારમાં કોઈ અપડેટ કે ફેરફાર કર્યા નથી. આ તેના બંધ થવાનું સૌથી મોટું કારણ છે.બીજું મોટું કારણ ક્રેટા ઇલેક્ટ્રિક હોવાનું માનવામાં આવે છે. Hyundai ટૂંક સમયમાં તેની સૌથી સફળ SUV Cretaનું EV વર્ઝન લોન્ચ કરવા જઈ રહી છે. એવું માનવામાં આવે છે કે, તે જાન્યુઆરી 2025 સુધીમાં શોરૂમમાં પહોંચાડવામાં આવશે અને બજારમાં આ વાહન માટે જગ્યા બનાવવાના હેતુથી, કંપનીએ કોનાને સાઇડલાઇન કરી દીધી છે. કોના ગ્રાહકોને આકર્ષવામાં ભલે નિષ્ફળ રહી હોય, પરંતુ કાર ખરાબ નહોતી. તેના ફીચર્સ વિશે વાત કરીએ તો તેમાં 135 હોર્સ પાવર અને 395 Nm ટોર્ક આપતું પાવરફુલ એન્જિન છે. Kona 39.2 kWhની ક્ષમતા સાથે લિથિયમ આયન બેટરી સાથે આવે છે. કંપનીનો દાવો છે કે આ કાર માત્ર 9.7 સેકન્ડમાં 100 કિમી પ્રતિ કલાકની સ્પીડ પકડી શકે છે. તેમાં 3 ડ્રાઇવિંગ મોડ્સ ઇકો, કમ્ફર્ટ અને સ્પોર્ટ છે.