ગુજરાત અને બિહારની જેમ આ રાજ્યમાં પણ લાગી શકે છે દારૂ પર પ્રતિબંધ

Odisha Government Plan to Ban Liquor: દારૂ પીવાના શોખીનો માટે એક મોટા સમાચાર સામે આવ્યા છે. દારુ પર પ્રતિબંધને લઈને નવી અપડેટ આવી છે. વધુ એક રાજ્યમાં દારૂ પર પ્રતિબંધ મૂકવાની તૈયારીઓ ચાલી રહી છે. હવે ઓડિશામાં દારૂ પર પ્રતિબંધ લાગી શકે છે. આ માટે સરકારે એક પ્લાન તૈયાર કર્યો છે. રાજ્યના મંત્રી નિત્યાનંદ ગોંડે પોતે આ અંગે સંકેત આપ્યો છે.

તેમણે કહ્યું કે ઓડિશાની ભાજપ સરકાર રાજ્યમાં દારૂ પર પ્રતિબંધ મૂકવાનું વિચારી રહી છે. પરંતુ આ પ્રતિબંધ એકસાથે કરવામાં આવશે નહીં. પરંતુ તબક્કાવાર રીતે રાજ્યને દારૂ મુક્ત ઓડિશા બનાવવામાં આવશે. ઘણી સરકારોએ તેમના રાજ્યોમાં દારૂ પર પ્રતિબંધ મૂક્યો છે. દારૂ પર પ્રતિબંધ મુકવાથી સરકારને આર્થિક નુકસાન થશે. પરંતુ યુવાનોના ભવિષ્યને ધ્યાનમાં રાખીને આ પગલું ભરવાની જરૂર છે.

શું દેશના આ રાજ્યોમાં દારૂ પર પ્રતિબંધ છે?
તમને જણાવી દઈએ કે દેશમાં સૌથી પહેલા ગુજરાતમાં દારૂ પર પ્રતિબંધ લગાવવામાં આવ્યો હતો. આ પછી બિહાર, મિઝોરમ, નાગાલેન્ડ અને લક્ષદ્વીપમાં પણ દારૂ પર પ્રતિબંધ છે. મણિપુરમાં અગાઉ દારૂ પર સંપૂર્ણ પ્રતિબંધ હતો. પરંતુ આવકમાં થયેલા નુકસાનને જોતા તેમાં રાહત આપવામાં આવી હતી. ગુજરાતમાં ઝેરી દારૂ પીવાથી 54 લોકોના મોત થયા છે. આ ઘટનામાંથી બોધપાઠ લઈને રાજ્ય સરકારે રાજ્યમાં દારૂ પર પ્રતિબંધ મૂક્યો હતો. આંધ્રપ્રદેશમાં દારૂબંધી હતી. પરંતુ સરકાર બદલાતા નિયમો પણ બદલાયા. હરિયાણાએ પણ દારૂ પર પ્રતિબંધ મૂક્યો હતો. પરંતુ માત્ર 2 વર્ષ પછી પ્રતિબંધ પાછો ખેંચી લેવામાં આવ્યો હતો.

આ પણ વાંચો: ફિલ્મ Kalki 2898 AD જોઈને લોકોએ કહ્યું- હોલિવૂડને ટક્કર મારે તેવી ફિલ્મ

દેશમાં દારૂ પર પ્રતિબંધ કેમ ન લગાવી શકાય?
તમને જણાવી દઈએ કે આખા દેશમાં ઘણી વખત દારૂ પર પ્રતિબંધ લગાવવાના પ્રયાસ કરવામાં આવ્યા હતા, પરંતુ દારૂ પર સંપૂર્ણ પ્રતિબંધ લગાવવો શક્ય નથી. તેના બે કારણો સામે આવ્યા છે. દારૂ પર પ્રતિબંધ મૂકવાથી આર્થિક નુકસાન થાય છે. રાજ્ય સરકારને આવક ઓછી થાય તો કેન્દ્ર સરકારની આવકમાં પણ ઘટાડો થાય છે. બીજું દારૂ પર પ્રતિબંધને કારણે અન્ય રાજ્યોમાંથી તેની દાણચોરી થવા લાગે છે. જ્યારે દેશમાં કોઈપણ વસ્તુની દાણચોરી પર પ્રતિબંધ છે અને તે કાયદા હેઠળ ગુનો છે.