લાલકૃષ્ણ અડવાણીની તબિયતમાં કોઈ સુધારો નથી, અપોલો હોસ્પિટલના ICUમાં દાખલ
Delhi: દેશના પૂર્વ નાયબ વડાપ્રધાન અને ભાજપના વરિષ્ઠ નેતા લાલકૃષ્ણ અડવાણી હજુ પણ ICUમાં દાખલ છે. દિલ્હીની એપોલો હોસ્પિટલના આઈસીયુમાં તેમની સારવાર ચાલી રહી છે. અડવાણીની તબિયતમાં કોઈ સુધારો નથી. તેમને વૃદ્ધાવસ્થા સંબંધિત ઘણી બીમારીઓ છે.
શનિવારે અડવાણીની તબિયત લથડી હતી. આ પછી તેને તાત્કાલિક હોસ્પિટલમાં દાખલ કરવામાં આવ્યા હતા. યુરિનમાં માંસપેશીનું પ્રમાણ વધવાને કારણે તેમની તબિયત નાજુક રહે છે. હાલ તેઓ એપોલો હોસ્પિટલના ડોક્ટરોની દેખરેખ હેઠળ છે. લાલકૃષ્ણ અડવાણીજીની તબિયત છેલ્લા બે અઠવાડિયાથી સારી ન હતી.
આ પણ વાંચો: નકલી EDના સરતાજ અબ્દુલ સત્તાર મામલે ખુલાસો, ભુજ સર્કિટ હાઉસમાં આપના નેતાઓએ કરી હતી મુલાકાત
જેપી નડ્ડાએ ડૉક્ટર સાથે વાત કરી
તેમને શનિવારે ઈન્દ્રપ્રસ્થ એપોલોમાં દાખલ કરવામાં આવ્યા હતા. એપોલો હોસ્પિટલના સિનિયર ન્યુરોલોજીસ્ટ ડો. વિનીત સૂરીની દેખરેખ હેઠળ સારવાર ચાલી રહી છે. શનિવારે કેન્દ્રીય સ્વાસ્થ્ય મંત્રી જેપી નડ્ડાએ પણ અડવાણીજીના પરિવાર અને ડૉક્ટર સાથે વાત કરી હતી. લાલકૃષ્ણ અડવાણી 97 વર્ષના છે. છેલ્લા 4-5 મહિનામાં આ ચોથી વખત છે જ્યારે તબિયત બગડવાના કારણે તેમને હોસ્પિટલમાં દાખલ કરવામાં આવ્યા છે. આ પહેલા તેમને ઓગસ્ટ મહિનામાં હોસ્પિટલમાં દાખલ કરવામાં આવ્યા હતા.
