કોંગ્રેસના 12 સેનાપતિઓ વિશે જાણો એક ક્લિકમાં…

કોંગ્રેસે પોતાની નૈયાને પાર લગાવવા માટે 12 સેનાપતિઓની જાહેરાત કરી છે. આ તમામ નેતાઓને દેશના અલગ અલગ રાજ્યોના પ્રભારી બનાવવામાં આવ્યા છે. આ પ્રભારીઓના જ ભરોસે કોંગ્રેસે દેશની 300 બેઠકો મુકી છે. તો આ તમામ પ્રભારીઓની રાજકીય કારકિર્દી ખુબ જ રસપ્રદ રહી છે. આ 12 સેનાપતિઓમાં મોટા ભાગના નેતાઓ જુના અને વર્ષોથી કોંગ્રેસથી જોડાયેલા છે.મુકુલ વાસનિક

કોંગ્રેસ હેડક્વાર્ટરમાં મુકુલ વાસનિકનો પ્રભાવ લાંબા સમયથી અકબંધ છે. ખડગેએ વાસનિકને ગુજરાતના પ્રભારી બનાવ્યા છે. ગુજરાતમાં લોકસભાની 26 બેઠકો છે, જે હાલમાં ભાજપ પાસે છે. વાસનિક મધ્યપ્રદેશ, રાજસ્થાન જેવા રાજ્યોના પ્રભારી રહી ચૂક્યા છે. રાજ્યસભાના માધ્યમથી રાજકારણમાં સક્રિય રહેલા વાસનિક મોદી યુગમાં એક પણ ચૂંટણી જીતી શક્યા નથી. વર્ષ 2014માં વાસનિકને મહારાષ્ટ્રની રામટેક સીટ પરથી શિવસેનાના કિરપાલ તુમાનેએ 1 લાખ 75 હજાર મતોથી હરાવ્યા હતા. વાસનિકે 2019માં ચૂંટણી લડી ન હતી.

પ્રિયંકા ગાંધી વાડ્રા

2018માં રાજકારણમાં પ્રવેશ કરનાર પ્રિયંકા ગાંધીને ફરીથી પાર્ટીના મહાસચિવ બનાવવામાં આવ્યા છે. જોકે પ્રિયંકા પાસેથી યુપીનો હવાલો લઈ લેવામાં આવ્યો છે. પ્રિયંકાને કોઈ પણ પ્રદેશના પ્રભારી બનાવવામાં નથી આવ્યા.જ્યારે પ્રિયંકા યુપીના પ્રભારી હતા, ત્યારે પાર્ટી 2022ની વિધાનસભા ચૂંટણીમાં 2 બેઠકો પર ઘટી ગઈ હતી. 2019ની લોકસભા ચૂંટણીમાં કોંગ્રેસે પરંપરાગત અમેઠી બેઠક પણ ગુમાવી હતી. પ્રિયંકા ગાંધીને મોદી યુગમાં ચૂંટણી લડવાનો કોઈ અનુભવ નથી.

જિતેન્દ્ર સિંહ

જિતેન્દ્ર સિંહને મલ્લિકાર્જુન ખડગેની નવી ટીમમાં પ્રમોટ કરવામાં આવ્યા છે. પહેલા સિંહ માત્ર આસામના પ્રભારી હતા, પરંતુ હવે તેમને મધ્યપ્રદેશની કમાન પણ મળી ગઈ છે. બંને રાજ્યોમાં લોકસભાની 43 બેઠકો છે, જેમાંથી કોંગ્રેસ પાસે માત્ર 3 બેઠકો છે. જનરલ સેક્રેટરી રહીને જિતેન્દ્ર સિંહનું પ્રદર્શન ખૂબ જ ખરાબ રહ્યું છે. તેમના નેતૃત્વમાં કોંગ્રેસને આસામની 2021ની ચૂંટણીમાં કારમી હારનો સામનો કરવો પડ્યો હતો.

સિંહ મધ્યપ્રદેશમાં ચૂંટણી પહેલા સ્ક્રીનિંગ કમિટીના અધ્યક્ષ પણ હતા. તેઓ ટિકિટ વિતરણની જવાબદારી સંભાળતા હતા, પરંતુ અહીં પણ કોંગ્રેસને હારનો સામનો કરવો પડ્યો હતો. સિંહ મોદી યુગમાં પોતાની રીતે ચૂંટણી પણ જીતી શક્યા નથી. 2014 અને 2019માં સિંહે રાજસ્થાનની અલવર લોકસભા બેઠક પરથી ચૂંટણી લડી હતી, પરંતુ બંને ચૂંટણીમાં તેમને કારમી હારનો સામનો કરવો પડ્યો હતો. 2019માં ભાજપના બાબા બાલકનાથે સિંહને 3 લાખ 30 હજાર મતોથી હરાવ્યા હતા.

રણદીપ સુરજેવાલા

ખડગેની નવી ટીમમાં સુરજેવાલાને પણ જગ્યા મળી છે. તેમને કર્ણાટકના પ્રભારી તરીકે યથાવત રાખવામાં આવ્યા છે. જો કે તેમની પાસેથી મધ્યપ્રદેશનો હવાલો લઈ લેવામાં આવ્યો છે. આ વર્ષે ઓગસ્ટમાં સુરજેવાલાને મધ્યપ્રદેશની જવાબદારી સોંપવામાં આવી હતી. કર્ણાટકમાં કુલ 28 લોકસભા સીટો છે અને 2019માં કોંગ્રેસને માત્ર 1 સીટ મળી છે. કર્ણાટક કોંગ્રેસ અધ્યક્ષનું ગૃહ રાજ્ય પણ છે. આવી સ્થિતિમાં કોંગ્રેસ માટે કર્ણાટક ખૂબ મહત્વનું માનવામાં આવી રહ્યું છે. સુરજેવાલાની વાત કરીએ તો 2019માં હરિયાણા વિધાનસભા ચૂંટણી દરમિયાન સુરજેવાલા ચૂંટણી હારી ગયા હતા. તેમને ભાજપના લીલા રામે હરાવ્યા હતા. સુરજેવાલા પ્રભારી હતા ત્યારે ઉત્તર ભારતના મધ્ય પ્રદેશમાં કોંગ્રેસને કારમી હારનો સામનો કરવો પડ્યો હતો.

દીપક બાબરિયા

ગુજરાતના રહેવાસી બાબરિયાને હરિયાણા અને દિલ્હીના પ્રભારી મહાસચિવ બનાવવામાં આવ્યા છે. 2014 પછી બાબરિયાએ એક પણ ચૂંટણી લડી નથી. બાબરીયા રાહુલ ગાંધીના નજીકના ગણાય છે. બાબરિયા સૌપ્રથમ 2014માં ચર્ચામાં આવ્યા હતા જ્યારે તેમને નેશનલ હેરાલ્ડની પેરેન્ટ કંપની એસોસિયેટ જર્નલ્સમાં વધારાના ડિરેક્ટર બનાવવામાં આવ્યા હતા. વર્ષ 2018માં જ્યારે બાબરિયા મહાસચિવ હતા, ત્યારે કોંગ્રેસ મધ્યપ્રદેશની ચૂંટણી જીતી હતી. જોકે ત્રણ મહિના પછી યોજાયેલી લોકસભાની ચૂંટણીમાં પાર્ટીની એક બેઠક ઘટી ગઈ હતી.અવિનાશ પાંડે

મહારાષ્ટ્રથી આવેલા અવિનાશ પાંડેને યુપીનો હવાલો સોંપવામાં આવ્યો છે. પાંડે અત્યાર સુધી ઝારખંડના પ્રભારી હતા. તેઓ રાજસ્થાનના પ્રભારી પણ રહી ચૂક્યા છે, પરંતુ 2020માં પાયલટ-ગેહલોતના બળવા બાદ તેમને પદ પરથી હટાવી દેવામાં આવ્યા હતા. અવિનાશ પાંડેએ પણ 2014 પછી કોઈ ચૂંટણી લડી નથી. પાંડે 2016 સુધી રાજ્યસભાના સભ્ય હતા, પરંતુ તે પછી તેમની ફરજ સંસ્થામાં ટ્રાન્સફર થઈ ગઈ. પાંડેને યુપીની કમાન સોંપવામાં આવી છે, જ્યાં ઘણા જિલ્લાઓમાં પાર્ટીનું સંગઠન નથી.કુમારી શૈલજા

પૂર્વ કેન્દ્રીય મંત્રી કુમારી શૈલજાને ઉત્તરાખંડના પ્રભારી મહાસચિવ બનાવવામાં આવ્યા છે. તાજેતરમાં, શૈલજાના નેતૃત્વમાં, કોંગ્રેસને છત્તીસગઢમાં કારમી હારનો સામનો કરવો પડ્યો છે. શૈલજાના નેતૃત્વમાં પાર્ટી 2019માં હરિયાણાની ચૂંટણી પણ જીતી શક્યા ન હતા. એટલું જ નહીં, શૈલજા પોતે પણ 2014થી ચૂંટણી જીતી શકી નથી. 2019માં શૈલજાએ અંબાલા બેઠક પરથી ચૂંટણી લડી હતી, જ્યાં ભાજપના રતનલાલ કટારિયાએ તેમને 3 લાખ 40 હજાર મતોથી હરાવ્યા હતા.ગુલામ અહેમદ મીર

જમ્મુ-કાશ્મીર કોંગ્રેસના પૂર્વ અધ્યક્ષ ગુલામ અહેમદ મીરને કોંગ્રેસ દ્વારા ઝારખંડ અને બંગાળના મહાસચિવ પ્રભારી બનાવવામાં આવ્યા છે. બંને રાજ્યોમાં લોકસભાની કુલ 56 બેઠકો છે. જેમાંથી કોંગ્રેસ પાસે હાલમાં 3 બેઠકો છે. ઝારખંડમાં કોંગ્રેસ પણ સત્તામાં ભાગીદાર છે. મીરની વાત કરીએ તો મીર 2014 પછી એકપણ ચૂંટણી જીતી શક્યા નથી. 2019માં તેઓ અનંતનાગ બેઠક પરથી ચૂંટણી લડ્યા હતા, પરંતુ તેમને હારનો સામનો કરવો પડ્યો હતો.દીપા દાસમુન્શી

કોંગ્રેસે પૂર્વ કેન્દ્રીય મંત્રી દીપા દાસમુન્શીને કેરળ, લક્ષદ્વીપ અને તેલંગાણાના પ્રભારી અને જનરલ સેક્રેટરી તરીકે નિયુક્ત કર્યા છે. ત્રણેય જગ્યાએ લોકસભાની 38 બેઠકો છે.  દીપા દાસમુન્શી પોતે પણ 2014 પછી એકપણ ચૂંટણી જીતી શક્યા નથી. 2019 માં રાયગંજ લોકસભા સીટ પર દાસમુન્શીની ડિપોઝીટ જપ્ત કરવામાં આવી હતી. મહત્વનું છેકે, રાયગંજ 2014 સુધી કોંગ્રેસની પરંપરાગત બેઠક માનવામાં આવતી હતી.જયરામ રમેશ

કોંગ્રેસે ફરી જયરામ રમેશને કોમ્યુનિકેશન વિભાગનો હવાલો આપીને મહાસચિવ બનાવ્યા છે. પૂર્વ કેન્દ્રીય મંત્રી રમેશનું રાજકારણ પણ રાજ્યસભાના સમર્થન પર જ ટકે છે. રમેશ 2004થી રાજ્યસભાના સાંસદ છે. સોનિયા ગાંધી વિરુદ્ધ વિવાદાસ્પદ ટિપ્પણી માટે એક સમયે સસ્પેન્ડ થયેલા રમેશને હાલમાં રાહુલ ગાંધીના નજીકના માનવામાં આવે છે. રમેશ પાસે 2024ની ચૂંટણી માટે કોંગ્રેસની મીડિયા સ્ટ્રેટેજી બનાવવાની જવાબદારી છે.કેસી વેણુગોપાલ

કોંગ્રેસે 2024ની ચૂંટણી માટે કેસી વેણુગોપાલને સંગઠન મહાસચિવ એટલે કે મુખ્ય સેનાપતિ બનાવ્યા છે. વેણુગોપાલ 2018માં સંગઠન મહાસચિવ બન્યા, ત્યારથી કોંગ્રેસ માત્ર હિમાચલ, તેલંગાણા અને કર્ણાટકમાં જ ચૂંટણી જીતવામાં સફળ રહી છે. જ્યારે વેણુગોપાલ સંગઠન મહાસચિવ હતા, ત્યારે કોંગ્રેસ એક લોકસભા ચૂંટણી અને 20 થી વધુ વિધાનસભા ચૂંટણી હારી છે. જેના કારણે વેણુગોપાલ કોંગ્રેસના ઘણા નેતાઓના નિશાના પર પણ રહ્યા છે.સચિન પાયલોટ

ટોંકના ધારાસભ્યને પ્રથમ વખત સંગઠનમાં મહાસચિવનું પદ મળ્યું છે. 2018માં જ્યારે પાયલોટ પ્રમુખ હતા ત્યારે રાજસ્થાનમાં કોંગ્રેસની જીત થઈ હતી. જોકે, લોકસભા ચૂંટણીમાં પાયલટનું પ્રદર્શન નબળું રહ્યું છે. 2014માં પાયલટ પોતે અજમેરથી ચૂંટણી હારી ગયા હતા. 2019માં કોંગ્રેસને પાયલટના ગઢ દૌસા અને સવાઈ માધોપુરમાં કારમી હારનો સામનો કરવો પડ્યો હતો. પાયલોટને છત્તીસગઢનો હવાલો મળ્યો છે, જ્યાં પાર્ટી તાજેતરમાં ચૂંટણી હારી હતી. છત્તીસગઢમાં હાલમાં 11માંથી માત્ર 2 સીટો જ કોંગ્રેસ પાસે છે.