કર્ણાટક રાજ્યને મળી શકે છે નવા CM, કોંગ્રેસ નેતાના નિવેદન બાદ રાજકીય ખળભળાટ

Karnataka CM Row: કોંગ્રેસના નેતા વીરપ્પા મોઇલીએ રવિવારે ડીકે શિવકુમારના નેતૃત્વની પ્રશંસા કરી અને કહ્યું કે તેમનું મુખ્યમંત્રી બનવાનું નિશ્ચિત છે. કર્ણાટકના મંત્રી પ્રિયાંક ખડગેએ નાયબ મુખ્યમંત્રી ડીકે શિવકુમાર વિશે કોંગ્રેસના નેતા વીરપ્પા મોઇલીની ટિપ્પણી પર પ્રતિક્રિયા આપી હતી. બીજી બાજુ નાયબ મુખ્યમંત્રી ડીકે શિવકુમારને જ્યારે વીરપ્પા મોઇલીના તેમના વિશેના નિવેદન વિશે પૂછવામાં આવ્યું ત્યારે તેમણે કોઈ ટિપ્પણી કરવાનો ઇનકાર કર્યો હતો.

આ પણ વાંચો: ગાંજા સાથે પકડાયા IIT બાબા, આત્મહત્યાની ધમકી આપ્યા બાદ પોલીસ તેને હોટલમાંથી લઈ ગઈ

ડીકે શિવકુમારે પાર્ટી ઉભી કરી: વીરપ્પા મોઇલી
કોંગ્રેસના નેતા ડૉ. એમ વીરપ્પા મોઈલીએ કહ્યું, “ડીકે શિવકુમારે સારું નેતૃત્વ આપ્યું છે. તમે પાર્ટી ઉભી કરી છે. લોકો નિવેદનો આપી રહ્યા છે, પણ તમને મુખ્યમંત્રી બનતા કોઈ રોકી શકશે નહીં. આ અંગે ઉત્સાહિત થવાની જરૂર નથી. તમને સીએમ બનતા કોઈ રોકી નહીં શકે. મુખ્યમંત્રી બનવું એ કોઈ ભેટ નથી. તેણે સખત મહેનત કરીને આ કમાવ્યું છે.”

આ પણ વાંચો: રણવીર અલ્હાબાદિયાને સુપ્રીમ કોર્ટથી મોટી રાહત, આ એક શરતે શો પ્રસારિત કરવાની પરવાનગી મળી

હું આ અંગે કોઈ ટિપ્પણી કરવા માંગતો નથી : ડીકે શિવકુમાર
ડીકે શિવકુમારે કહ્યું, “હું આ અંગે કોઈ ટિપ્પણી કરવા માંગતો નથી. હું કાર્યકરોની બેઠકમાં હતો. હું તમામ બૂથ પ્રમુખોને શપથ લેવડાવવા ગયો હતો કારણ કે મારે પાર્ટીના અધ્યક્ષ તરીકે રાજ્યભરમાં ફરવાનું છે.” કર્ણાટકના મંત્રી સંતોષ લાડે પણ કોંગ્રેસના નેતા વીરપ્પા મોઇલીની ટિપ્પણી પર પ્રતિક્રિયા આપતા કહ્યું કે પાર્ટી હાઇકમાન્ડના નિર્ણયોનું પાલન કરે છે. સંતોષ લાડે કહ્યું, “જો મોઇલીએ આવું નિવેદન આપ્યું હોય, તો તમારે તેમને પૂછવું જોઈએ કારણ કે અમે હંમેશા હાઇકમાન્ડની નીતિનું પાલન કરીએ છીએ. હાઈકમાન્ડ જે કંઈ કહે તે અમારા માટે અંતિમ છે… તે તેમનો અભિપ્રાય છે, હાઈકમાન્ડનો અભિપ્રાય નહીં.