કોંગ્રેસને વધુ એક ફટકો પડે તેવી શક્યતા, રાજકારણ ગરમાયું
ભોપાલ: MPના રાજકારણમાંથી એક મોટા સમાચાર સામે આવી રહ્યા છે. પૂર્વ મુખ્યમંત્રી કમલનાથના પુત્ર નકુલનાથના ભાજપમાં જોડાવાની અટકળો ચાલી રહી છે. બંને નેતાઓ દિલ્હી જવા રવાના થઈ ગયા છે. આ અટકળોને વધુ બળ મળ્યું જ્યારે કમલનાથે 17મી ફેબ્રુઆરીએ તેમના તમામ કાર્યક્રમો રદ કર્યા.
બીજી તરફ, એમપીમાં કોંગ્રેસના એકમાત્ર સાંસદ અને પૂર્વ સીએમ કમલનાથના પુત્ર નકુલનાથે તેમના ટ્વિટર બાયોમાંથી કોંગ્રેસ પાર્ટીનું નામ હટાવી દીધું છે. જો બંને નેતાઓ ભાજપમાં જોડાય છે તો 2024ની લોકસભા ચૂંટણી પહેલા કોંગ્રેસ માટે આ મોટો ફટકો હશે. કમલનાથે ઘણી વખત આ અટકળો પર પૂર્ણવિરામ મૂક્યું હોવા છતાં, ભૂતકાળમાં બંને નેતાઓ ઘણી વખત ભાજપના વરિષ્ઠ નેતાઓને મળ્યા છે.
અગાઉ દિગ્વિજય સિંહે જબલપુરમાં આ અટકળોને પાયાવિહોણી ગણાવી હતી. તેમણે કહ્યું, ‘કમલનાથ છિંદવાડામાં છે… મેં ગઈ રાત્રે તેમની સાથે વાત કરી હતી, તે છિંદવાડામાં છે. નહેરુ-ગાંધી પરિવાર સાથે તેમની રાજકીય કારકિર્દી શરૂ કરનાર વ્યક્તિ એવા સમયે તેમની પડખે ઊભા હતા જ્યારે સમગ્ર ભારતીય જનતા પાર્ટી અને કેન્દ્ર સરકાર ઈન્દિરા ગાંધીને જેલમાં મોકલી રહી હતી. તમે કેવી રીતે અપેક્ષા રાખી શકો કે તેઓ સોનિયા ગાંધીના પરિવારને છોડી દેશે?’
#WATCH जबलपुर: कांग्रेस नेता दिग्विजय सिंह ने कहा, "कमलनाथ छिंदवाड़ा में हैं… मेरी कल रात उनसे बात हुई है वे छिंदवाड़ा में हैं। जिस व्यक्ति ने अपने राजनैतिक जीवन की शुरुआत नेहरू-गांधी परिवार के साथ की थी, वे उस समय उनके साथ खड़े थे जब पूरी जनता पार्टी और केंद्र की सरकार इंदिरा… pic.twitter.com/HSKXo2Be79
— ANI_HindiNews (@AHindinews) February 17, 2024
તમને જણાવી દઈએ કે આ સપ્તાહની શરૂઆતમાં કોંગ્રેસને મોટો ઝટકો આપતા મધ્યપ્રદેશમાં ઘણા નેતાઓએ પક્ષ બદલી નાખ્યો હતો. પૂર્વ ધારાસભ્ય દિનેશ અહિરવાર અને વિદિશાથી કોંગ્રેસ જિલ્લા અધ્યક્ષ રાકેશ કટારે 12 ફેબ્રુઆરીએ ભાજપમાં જોડાયા હતા.
