બ્રુનેઈના સુલતાન બોલકિયાને મળીને ખુશી થઈ, અનેક મુદ્દાઓ પર થઈ ચર્ચા- PM મોદી
PM Modi Visit Brunei: વડાપ્રધાન નરેન્દ્ર મોદી 2 દિવસની બ્રુનેઈની મુલાકાતે છે. પીએમ મોદીએ કહ્યું કે બ્રુનેઈના સુલતાન બોલકિયાને મળીને આનંદ થયો. અનેક મુદ્દાઓ પર ચર્ચાઓ થઈ છે. બ્રુનેઈ દારુસ્સલામમાં પીએમ નરેન્દ્ર મોદીએ કહ્યું કે તમારા માયાળુ શબ્દો, ઉષ્માભર્યું સ્વાગત અને આતિથ્ય માટે હું તમારો અને સમગ્ર શાહી પરિવારનો હૃદયપૂર્વક આભાર વ્યક્ત કરું છું. હું તમને અને બ્રુનેઈના લોકોને આઝાદીની 40મી વર્ષગાંઠ પર મારી શુભકામનાઓ પાઠવું છું. આપણા 1.4 અબજ ભારતીયો વચ્ચે વર્ષો જૂના સાંસ્કૃતિક સંબંધો છે. આપણી મિત્રતાનો આધાર આપણી મહાન સાંસ્કૃતિક પરંપરા છે. મુખ્ય અતિથિ તરીકે તમારી ભારત મુલાકાતની યાદો દિવસેને દિવસે વધુ મજબૂત થઈ રહી છે. ભારતના લોકો આજે પણ 2018માં આપણા ગણતંત્ર દિવસને ખૂબ જ ગર્વથી યાદ કરે છે.
પીએમ મોદીએ કહ્યું, “હું અત્યંત ખુશ છું કે મને મારા ત્રીજા કાર્યકાળની શરૂઆતમાં બ્રુનેઈની મુલાકાત લેવાની અને તમારી સાથે ભવિષ્ય વિશે ચર્ચા કરવાની તક મળી. આ એક સંયોગ છે કે આ વર્ષે અમે અમારી દ્વિપક્ષીય ભાગીદારીની 40મી વર્ષગાંઠની ઉજવણી કરી રહ્યા છીએ. એક્ટ ઈસ્ટ પોલિસી અને ઈન્ડો-પેસિફિક વિઝનમાં મહત્વપૂર્ણ ભાગીદાર અમારા માટે ઉજ્જવળ ભવિષ્યની ગેરંટી છે.”
તમને જણાવી દઈએ કે પીએમ મોદી બ્રુનેઈના સુલતાન હાજી હસન અલ-બોલકિયાના આમંત્રણ પર અહીં આવ્યા છે. બંને દેશો 2024માં રાજદ્વારી સંબંધોના 40 વર્ષ પૂર્ણ કરશે. આવી સ્થિતિમાં પીએમ મોદીની આ મુલાકાત ભારત અને બ્રુનેઈ વચ્ચેના વ્યૂહાત્મક સંબંધોને વધુ ગાઢ બનાવવા માટે માનવામાં આવી રહી છે. સાથે જ પીએમ મોદીની બ્રુનેઈની મુલાકાતને ઈસ્ટ મિશન સાથે પણ જોડવામાં આવી રહી છે.
