લિપસ્ટિક લગાવવાની આ હેક્સ જાણવી છે ખુબ જરૂરી

Lipstick Hack: લિપસ્ટિક એક એવી બ્યુટી પ્રોડક્ટ છે. જે દરેક છોકરીઓની ફેવરિટ હોય છે. તેના વગર ગર્લ્સને લુક અધૂરો લાગે છે. ઘણી વખત છોકરીઓ પોતાના દેખાવને સિમ્પલ રાખવા માટે માત્ર લિપસ્ટિક લગાવવાનું પસંદ કરે છે. લિપસ્ટિક લગાવતા જ તેમના ચહેરાની સુંદરતા અને ચમક બમણી થઈ જાય છે, પરંતુ કેટલીકવાર કેટલીક ભૂલોને કારણે છોકરીઓનો આખો લુક બગડી જાય છે. જેમાં લિપસ્ટિકનો ખોટો શેડ સૌથી મોટું કારણ છે.

વાસ્તવમાં ઘણી વખત ઉતાવળમાં કેટલીક છોકરીઓ લિપસ્ટિક લગાવતી વખતે તેમના કપડાના રંગ પર ધ્યાન આપતી નથી અને તેમની સામે જે લિપસ્ટિક હોય તેને લગાવીને બહાર નીકળી જાય છે. આવી ભૂલોથી બચવું ખુબ જ જરૂરી છે. મોટાભાગની છોકરીઓ મેટ લિપસ્ટિક લગાવવાનું પસંદ કરે છે, પરંતુ તે તમારા હોઠને ખૂબ જ શુષ્ક બનાવે છે. આ ઉપરાંત તેને રિમૂવ કરવું ખૂબ મુશ્કેલ છે. તો ચાલો આજે આવી ભૂલોથી કેવી રીતે બચી શકાય તેની ખાસ હેક્સ જાણીએ.

મોઇશ્ચરાઇઝ કરો
લિપસ્ટિક લગાવવાને કારણે મોટાભાગની છોકરીઓના હોઠ ડ્રાય અને પેચી દેખાવા લાગે છે. આ સમસ્યાથી બચવા માટે તમારે લિપસ્ટિક લગાવતા પહેલા તમારા હોઠ પર મોઈશ્ચરાઈઝર લગાવવું જોઈએ. આ સિવાય તમે હોઠ પર વેસેલિન પણ લગાવી શકો છો. લિપસ્ટિક લગાવતા પહેલા બ્રશની મદદથી હોઠ પર વેસેલિન લગાવો. એ બાદ લિપસ્ટિક લગાવો જેનાથી હોઠ મોઇશ્ચરાઇઝ્ડ દેખાશે.

લિપ લાઇનર લગાવો
મોટાભાગની છોકરીઓ માત્ર લિપસ્ટિક લગાવે છે અને લિપ લાઇનર છોડે છે. જેના કારણે તેમનો લુક પરફેક્ટ દેખાતો નથી. લિપ લાઇનર લગાવવાથી હોઠની લાઇનિંગ પરફેક્ટ બને છે અને આકર્ષક લુક પણ મળે છે. આથી લિપસ્ટિક લગાવતા પહેલા હંમેશા લિપ લાઇનર લગાવો. ધ્યાન રાખો કે હંમેશા તમારી લિપસ્ટિકના શેડ પ્રમાણે લિપ લાઇનર પસંદ કરો.

લિપસ્ટિકને રીમૂવ થતી અટકાવો
ઘણીવાર એવું જોવામાં આવે છે કે લિપસ્ટિક લગાવ્યાના થોડા સમય પછી તમે જેવું કંઈક ખાઓ છો અથવા ચા કે કોફી પીતા હો તો લિપસ્ટિકનો રંગ હળવો થઈ જાય છે. આવી સ્થિતિમાં મોટાભાગની છોકરીઓ મેટ લિપસ્ટિક લગાવવાનું પસંદ કરે છે, પરંતુ મેટ લિપસ્ટિક દરેક સિઝનમાં સારી રહેતી નથી. આથી લિપસ્ટિક ટ્રાન્સફર પ્રૂફ બનાવવા માટે કોઈપણ લિપસ્ટિક લગાવ્યા પછી તેને ટિશ્યુથી હળવા હાથે ટેપ કરો અથવા તમે લિપસ્ટિક લગાવ્યા પછી લીપ્સ પર લૂઝ પાવડર પણ લગાવી શકો છો.