USની મોટી જાહેરાત, પહેલગામ હુમલાના આતંકવાદીઓને પકડવામાં ભારતને મદદ કરશે

Pahalgam Terror Attack: જમ્મુ અને કાશ્મીરના પહલગામમાં થયેલા ભયાનક આતંકવાદી હુમલા બાદ ભારતને આંતરરાષ્ટ્રીય સ્તરે પણ સમર્થન મળી રહ્યું છે. આ અંગે અમેરિકાએ એક મોટી જાહેરાત કરી છે. અમેરિકાએ કહ્યું છે કે તે પહલગામ હુમલાના આતંકવાદીઓને પકડવામાં ભારતને મદદ કરશે. ટ્રમ્પ વહીવટીતંત્રમાં નેશનલ ઇન્ટેલિજન્સ (DNI)ના ડિરેક્ટર તુલસી ગબાર્ડ દ્વારા આ જાહેરાત કરવામાં આવી હતી. તેમણે આ ભયાનક હુમલાની સખત નિંદા કરી અને ભારતના લોકો પ્રત્યે ઊંડી સંવેદના વ્યક્ત કરી.

We stand in solidarity with India in the wake of the horrific Islamist terrorist attack, targeting and killing 26 Hindus in Pahalgam. My prayers and deepest sympathies are with those who lost a loved one, PM @narendramodi, and with all the people of India. We are with you and…

— DNI Tulsi Gabbard (@DNIGabbard) April 25, 2025

તુલસી ગબાર્ડે તેના X એકાઉન્ટ પર પોસ્ટ કરીને લખ્યું, “પહલગામમાં 26 હિન્દુઓને નિશાન બનાવીને મારી નાખવામાં આવેલા આ ભયાનક ઇસ્લામિક આતંકવાદી હુમલા બાદ અમે ભારત સાથે એકતામાં ઉભા છીએ.” મારી પ્રાર્થના અને ઊંડી સંવેદના એ લોકો સાથે છે જેમણે પોતાના પ્રિયજનો ગુમાવ્યા છે. અમે તમારી સાથે છીએ અને આ જઘન્ય હુમલા માટે જવાબદાર લોકોને ન્યાય અપાવવામાં તમને સમર્થન આપીશું.”