10 મિનિટમાં ઘરે પહોંચી જશે iPhone 16, ઈન્સ્ટન્ટ ડિસ્કાઉન્ટ સાથે મળશે શાનદાર ઑફર્સ
એપલે ભારત સહિત વૈશ્વિક બજારોમાં iPhone 16નું વેચાણ શરૂ કરી દીધું છે. મુંબઈ અને દિલ્હીના એપલ સ્ટોર્સમાં પ્રથમ સેલમાં હજારો લોકો iPhone 16 ખરીદવા આવ્યા હતા. એપલ સ્ટોરની સાથે કંપની ફ્લિપકાર્ટ-એમેઝોન અને અન્ય ઈ-કોમર્સ વેબસાઇટ્સ પર iPhone 16નું વેચાણ કરી રહી છે. જો તમે પણ iPhone ખરીદવા માંગો છો તો તમારા માટે સારા સમાચાર છે. હવે iPhone 16 ફક્ત 10 મિનિટમાં તમારા ઘરે પહોંચી જશે.
ખરેખરમાં લોકપ્રિય ઈ-કોમર્સ વેબસાઈટ Blinkit તમારા ઘરે માત્ર 10 મિનિટમાં iPhone 16 પહોંચાડશે. આ અમે નથી કહી રહ્યા. બ્લિંકિટના ફાઉન્ડર અલબિંદર ઢીંઢસાએ પોતાની સોશિયલ મીડિયા પોસ્ટમાં આવો દાવો કર્યો છે. ચાલો તમને સંપૂર્ણ વિગતવાર માહિતી આપીએ.
Get the all-new iPhone 16 delivered in 10 minutes!
We’ve partnered with @UnicornAPR for the third year in a row, bringing the latest iPhone to Blinkit customers in Delhi NCR, Mumbai, Pune, Bengaluru (for now) — on launch day!
P.S – Unicorn is also providing discounts with… pic.twitter.com/2odeJPn11k
— Albinder Dhindsa (@albinder) September 20, 2024
અલબિંદર ઢીંઢસાએ તેમના સોશિયલ મીડિયા પ્લેટફોર્મ પર પોસ્ટ કરી છે. ‘આમ કરવા પાછળનો અમારો ઉદ્દેશ્ય એ છે કે દિલ્હી NCR, પુણે, બેંગલુરુ અને મુંબઈના ગ્રાહકો શક્ય તેટલી વહેલી તકે નવો iPhone મેળવી શકે’.
ઢીંઢસાએ તેમના ગ્રાહકોને એમ પણ કહ્યું હતું કે તેઓ વધારાની ઑફર્સ સાથે Blinkit પરથી iPhone 16 ખરીદી શકે છે જેમાં ત્વરિત ડિસ્કાઉન્ટ તેમજ યુનિકોર્ન ઑફર કરે છે તેવા EMI વિકલ્પોનો સમાવેશ થાય છે. તમને જણાવી દઈએ કે આ પહેલીવાર નથી જ્યારે બ્લિંકિટ તેના ગ્રાહકોને iPhone 16 ડિલિવરી કરી રહ્યું છે. કંપની iPhone 14 સિરીઝના યુનિકોર્ન સાથે જોડાયેલી છે. બ્લિંકિટે દાવો કર્યો હતો કે iPhone 16નું વેચાણ શરૂ થયાના થોડા જ કલાકોમાં 300 iPhone વેચાયા હતા.
