ભારતીય ટીમ પર બોલ ટેમ્પરિંગનો આરોપ, ઇશાન કિશન LIVE મેચમાં અમ્પાયર સાથે ઝઘડો
AUS A vs IND A: ભારત A ટીમ ઓસ્ટ્રેલિયા પ્રવાસ પર છે, જ્યાં તેની પર મેચ દરમિયાન બોલ ટેમ્પરિંગનો આરોપ લાગ્યો છે. ફિલ્ડ અમ્પાયર શોન ક્રેગે ભારતીય ખેલાડીઓ પર આ આરોપ લગાવ્યો છે. આ આરોપ ત્યારે લગાવવામાં આવ્યો જ્યારે મેકકોયમાં રમાઈ રહેલી મેચના ચોથા દિવસે, ઈન્ડિયા A ટીમ મેચના બોલને બદલવાથી નાખુશ દેખાઈ અને તેણે અમ્પાયર શોન ક્રેગ સાથે લાંબા સમય સુધી દલીલ કરી. આ ચર્ચાના કારણે ચોથા દિવસની રમત મોડી શરૂ થઈ હતી. અમ્પાયરે બોલ બદલવાનો નિર્ણય લીધો હતો કારણ કે તેના પર સ્ક્રેચના નિશાન હતા.
અમ્પાયર અને ઈશાન કિશન વચ્ચે શું થયું?
ચર્ચા દરમિયાન ઇશાન કિશનનો અમ્પાયર શોન ક્રેગ સાથેનો મુદ્દો પણ થોડો ગરમ બન્યો હતો. અમ્પાયર ક્રેગને સ્ટમ્પ માઈકમાં કહેતા સાંભળવામાં આવ્યા હતા કે હવે પછી કોઈ ચર્ચા થશે નહીં. રમત શરૂ થવા દો. ઈશાન કિશને અમ્પાયરના આ નિવેદનનો જવાબ આપ્યો, તો શું આપણે આ બદલાયેલા બોલથી રમીશું? આ ચર્ચા નહોતી. આ એક બકવાસ નિર્ણય છે. અમ્પાયર શોન ક્રેગને ભારતીય વિકેટકીપરનું આ નિવેદન પસંદ ન આવ્યું અને તેણે કહ્યું કે તે આ વર્તન અંગે ફરિયાદ કરશે. આ સહનશીલતાની બહાર છે.
Appears Ishan Kishan could be in trouble with the umpires after an exchange before the start of play on the final day in Mackay
Umpire Shawn Craig heard over the stump mic saying: "You'll be on report for dissent, that's inappropriate behaviour."#AUSAvINDA
— Andrew McGlashan (@andymcg_cricket) November 3, 2024
ભારતીય ખેલાડીઓ પર બોલ ટેમ્પરિંગનો આરોપ
ચર્ચાનો અહીં અંત ન હતો. અમ્પાયર શોન ક્રેગે પણ ભારતીય ખેલાડીઓએ બોલ સાથે ચેડા કર્યા હોવાનો નિર્દેશ કર્યો હતો. તે ભારતીય ખેલાડીઓને કહેતા સાંભળવામાં આવ્યો હતો કે તમે બોલ સ્ક્રેચ હતા જેના કારણે અમે તેને બદલ્યો છે. મતલબ કે જો કેસ આગળ વધે છે તો ભારતીય ખેલાડીઓ સામે કાર્યવાહી થઈ શકે છે.
Wow is this the most amount of drama ever witnessed in a game of cricket in Mackay? Ball tampering allegations, players called out for inappropriate behaviour all while Nathan McSweeney strengthens his claim for the Test opening slot #AusAvIndA
— Bharat Sundaresan (@beastieboy07) November 3, 2024
ક્રિકેટ ઓસ્ટ્રેલિયાની આચાર સંહિતા અનુસાર, જો ભારત A ના ખેલાડીઓ ઇરાદાપૂર્વક બોલ સાથે ચેડા કરતા હોવાનું જાણવા મળે છે, તો તેમાં સામેલ ખેલાડીઓ પર પ્રતિબંધ લાદવામાં આવી શકે છે.
આ પણ વાંચો: દિલ્હીમાં વાયુ પ્રદૂષણનું સ્તર ‘ગંભીર’ સ્તરે પહોંચ્યું, લોકોને શ્વાસ લેવામાં થઈ મુશ્કેલી
