કેનેડામાં ભારતીય મૂળની વિદ્યાર્થિનીની હત્યા, બસસ્ટોપ પર મારી ગોળી

Canada: કેનેડામાં ભારતીયોની હત્યાની ઘટનાઓ સામે આવતી રહે છે. ત્યારે હવે એક ભારતીય વિદ્યાર્થિનીની ગોળી મારીને હત્યા કરવામાં આવી છે. વિદ્યાર્થિની કામ પર જઈ રહી હતી ત્યારે તેને ગોળી મારી દેવામાં આવી હતી. તે દરમિયાન વિદ્યાર્થિની બસની રાહ જોઈ રહી હતી. કારમાં સવાર એક વ્યક્તિએ તેના પર ગોળીબાર કર્યો, જેના કારણે તેનું ઘટનાસ્થળે જ મોત થયું.

કેનેડાના હેમિલ્ટન શહેરમાં હરસિમરત રંધાવા નામની ભારતીય વિદ્યાર્થીનીની હત્યા કરવામાં આવી હતી. જે ત્યાં મોહૌક કોલેજમાં અભ્યાસ કરી રહી હતી. આ ઘટના બાદ ભારતીય દૂતાવાસે દુ:ખ વ્યક્ત કર્યું છે.

આ સમગ્ર મામલે, ટોરોન્ટોમાં ભારતીય દૂતાવાસે એક પોસ્ટમાં કહ્યું કે ઓન્ટારિયોના હેમિલ્ટનમાં ભારતીય વિદ્યાર્થી હરસિમરત રંધાવાના મૃત્યુથી અમને ખૂબ જ દુઃખ થયું છે. અધિકારીએ જણાવ્યું હતું કે સ્થાનિક પોલીસના મતે તે નિર્દોષ હતી જેનું બે લોકો વચ્ચેની લડાઈમાં મૃત્યુ થયું હતું. સમગ્ર મામલાની તપાસ હજુ પણ ચાલુ છે. તેમણે વધુમાં કહ્યું કે અમે તેમના પરિવારના સંપર્કમાં છીએ અને દરેક રીતે મદદ કરી રહ્યા છીએ.

વિદ્યાર્થિનીને ગોળી કેવી રીતે વાગી?
હેમિલ્ટન પોલીસે જણાવ્યું હતું કે ભારતીય વિદ્યાર્થિનીના મૃત્યુના સીસીટીવી ફૂટેજની તપાસ કરવામાં આવી હતી અને જાણવા મળ્યું હતું કે તે બે લોકો વચ્ચેના ઝઘડાનું પરિણામ હતું, કારણ કે કાળી કારમાં સવાર એક યુવકે સફેદ સેડાન પર ગોળીબાર કર્યો હતો. બસ સ્ટોપ પર ઉભેલી એક વિદ્યાર્થીની છાતીમાં ગોળી વાગી, જેના કારણે તેનું મોત નીપજ્યું. પોલીસ ગોળીબાર કરનાર આરોપીની શોધ કરી રહી છે.

આ પણ વાંચો: અમેરિકાએ 1000થી વધુ વિદ્યાર્થીઓના વિઝા કર્યા રદ, જેમાં 50 ટકા ભારતીય વિદ્યાર્થીઓ…!

આ મહિને બે ભારતીયોના મોત થયા હતા
હેમિલ્ટન પોલીસે જણાવ્યું હતું કે તેમને સ્થાનિક સમય મુજબ સાંજે 7.30 વાગ્યે ગોળીબારના અહેવાલ મળ્યા હતા. જ્યારે પોલીસ ઘટનાસ્થળે પહોંચી ત્યારે તેમને હરસિમરતની છાતીમાં ગોળી વાગી હતી અને તે ખૂબ લોહી વહેતું હતું. પોલીસે તેને તાત્કાલિક હોસ્પિટલ સારવાર અર્થે ખસેડાઈ પરંતુ તેનો જીવ બચાવી શકાયો નહીં.