તણાવ વચ્ચે ભારતીય નેવીની X પર મહત્વની પોસ્ટ, તસવીર જોઈને પાકિસ્તાનનો છૂટી જશે પરસેવો
Indian Navy: જમ્મુ-કાશ્મીરના પહલગામમાં 22 એપ્રિલે થયેલા આતંકવાદી હુમલા બાદ, જેમાં 26 લોકોના જીવ ગયા હતા, ભારતે પાકિસ્તાન સામે કડક વલણ અપનાવ્યું છે. પાકિસ્તાન હજુ પણ ભારતની બદલાની કાર્યવાહીથી ગભરાઈ રહ્યું હતું, ત્યારે ભારતીય નૌકાદળે સોશિયલ મીડિયા પ્લેટફોર્મ X પર એક શક્તિશાળી પોસ્ટ શેર કરી, જેમાં તેની તાકાત દર્શાવવામાં આવી. નૌકાદળના સત્તાવાર હેન્ડલ @IndiannavyMedia પર લખ્યું, ‘Fuelling the Maritime Might – No mission too distant, No Sea too vast #FleetSupport #AnytimeAnywhereAnyhow।’ આ પોસ્ટ નૌકાદળના દરિયાઈ પરાક્રમનું માત્ર પ્રદર્શન જ નથી કરતું પરંતુ પહેલગામ હુમલા બાદ વધી રહેલા તણાવ વચ્ચે એક મજબૂત સંદેશ પણ મોકલે છે.
Fuelling the Maritime Might – No mission too distant, No Sea too vast#FleetSupport #AnytimeAnywhereAnyhow pic.twitter.com/p4Dk7Qzw27
— IN (@IndiannavyMedia) April 30, 2025
નૌકાદળની પોસ્ટનો હેતુ
લશ્કર-એ-તૈયબા સાથે જોડાયેલા ધ રેઝિસ્ટન્સ ફ્રન્ટ (TRF) દ્વારા પહલગામમાં કરાયેલા આતંકવાદી હુમલાએ ભારત-પાકિસ્તાન સંબંધોમાં વધુ તણાવ પેદા કર્યો છે. આ હુમલા પછી, ભારતે સિંધુ જળસંધિને સ્થગિત કરવા, અટારી-વાઘા સરહદ બંધ કરવા અને પાકિસ્તાની રાજદ્વારીઓને હાંકી કાઢવા જેવા કડક પગલાં લીધાં. દરમિયાન ભારતીય નૌકાદળની આ X પોસ્ટ સ્પષ્ટ સંદેશ આપે છે કે તે કોઈપણ પડકારનો સામનો કરવા માટે સંપૂર્ણપણે તૈયાર છે. પોસ્ટમાં “FleetSupport” અને “AnytimeAnywhereAnyhow” જેવા હેશટેગ્સ નૌકાદળની લોજિસ્ટિકલ તાકાત અને બધી પરિસ્થિતિઓમાં પ્રતિક્રિયા આપવાની ક્ષમતા તરફ નિર્દેશ કરે છે.
