ભારતીય નૌકાદળે આ રીતે 15 ભારતીયો સહિત 21 લોકોના જીવ બચાવ્યા, જુઓ વીડિયો

ભારતીય નૌકાદળના માર્કોસ કમાન્ડોએ ઉત્તર અરબી સમુદ્રમાં કાર્ગો જહાજ એમવી લીલા નોરફોકને ચાંચિયાઓની ચુંગાલમાંથી બચાવી લીધું છે. મળતી માહિતી મુજબ જહાજમાં સવાર તમામ 21 લોકોને પણ બચાવી લેવામાં આવ્યા છે. ભારતીય નૌસેનાએ પોતાના સોશિયલ મીડિયા એકાઉન્ટ પર આ ઓપરેશનના ઘણા વીડિયો શેર કર્યા છે. ભારતીય નૌકાદળને માહિતી મળી હતી કે ઉત્તર અરબી સમુદ્રમાં 5-6 બંદૂકધારી ચાંચિયાઓ સવાર છે. આ પછી INS ચેન્નાઈ અને મેરીટાઈમ પેટ્રોલ એરક્રાફ્ટ P-8I ને બચાવ કાર્ય માટે રવાના કરવામાં આવ્યા હતા.

#IndianNavy’s Swift Response to the Hijacking Attempt of MV Lila Norfolk in the North Arabian Sea.
All 21 crew (incl #15Indians) onboard safely evacuated from the citadel.

Sanitisation by MARCOs has confirmed absence of the hijackers.

The attempt of hijacking by the pirates… https://t.co/OvudB0A8VV pic.twitter.com/616q7avNjg

— SpokespersonNavy (@indiannavy) January 5, 2024

વધુમાં મળતી માહિતી અનુસાર INS ચેન્નાઈએ શુક્રવારે બપોરે સોમાલિયાના દરિયાકાંઠે હાઈજેક કરાયેલા જહાજને ઘેરી લીધું હતું. નેવીએ કહ્યું કે કમાન્ડો અપહરણ કરાયેલા જહાજ પર ઉતર્યા પરંતુ ત્યાં એક પણ ચાંચિયો જોવા મળ્યો નહીં. આવી સ્થિતિમાં અંદાજ લગાવવામાં આવી રહ્યો છે કે જ્યારે લૂંટારાઓને ભારતીય સેનાના ઓપરેશનની માહિતી મળી તો તેઓ ભાગી ગયા. હાલમાં, આઈએનએસ ચેન્નાઈ કાર્ગો જહાજની નજીક હાજર છે અને તેને ભારતીય નૌકાદળની દેખરેખ હેઠળ તેના ગંતવ્ય સ્થાન પર મોકલવામાં આવ્યું છે.

ભારતીય નૌસેનાએ ઓપરેશન વિશે માહિતી આપી હતી કે જહાજ પર હાજર તમામ ભારતીયો હાલમાં સુરક્ષિત છે. ઉલ્લેખનીય છે કે કાર્ગો જહાજ બ્રાઝિલના પોર્ટ દો ઈકોથી બહેરીનના ખલીફા સલમાન પોર્ટ જઈ રહ્યું હતું. આના 10 દિવસ પહેલા સોમાલિયન ચાંચિયાઓએ એડનની ખાડીમાં એમવી રુએનને હાઇજેક કર્યું હતું. જહાજો પર વધી રહેલા હુમલા વચ્ચે ભારતીય નૌકાદળે અરબી સમુદ્રથી યમનની ખાડીમાં 4 યુદ્ધ જહાજો તૈનાત કર્યા છે.