હિઝબોલ્લાહે ઈઝરાયેલ પર છોડ્યા 140 રોકેટ, પેજર અને વોકી-ટોકી બ્લાસ્ટ બાદ પલટવાર
Hezbollah-Israel: લેબનોન અને સીરિયામાં પેજર અને વોકી-ટોકી પર થયેલા વિસ્ફોટો પછી, હિઝબુલ્લાએ જોરદાર વળતો હુમલો કર્યો છે. શુક્રવારે ઉત્તરી ઈઝરાયેલના વિવિધ વિસ્તારોમાં 140 રોકેટ છોડવામાં આવ્યા હતા. આ વાતની પુષ્ટી ખુદ ઈઝરાયેલની સેનાએ કરી છે. એવું કહેવામાં આવ્યું હતું કે લેબનોન સાથેની સરહદને આજે બપોરે ત્રણ બાજુથી નિશાન બનાવવામાં આવી હતી. બીજી બાજુ, હિઝબુલ્લાએ કહ્યું કે અમારા કટ્યુષા રોકેટોએ સરહદ પારના ઘણા લક્ષ્યોને નિશાન બનાવ્યા છે, જેમાં એર ડિફેન્સ બેઝ તેમજ ઇઝરાયેલી સશસ્ત્ર બ્રિગેડના મુખ્યાલયનો સમાવેશ થાય છે.
Hezbollah had prepared 100s of rockets launchers, 1000 plus barrels in #Lebanon for attack on Israeli military & civilian targets.
Just minutes before the launch, #Israel discovered the plot, struck, & successfully destroyed all the Hizb launch sites in massive IAF Air strikes pic.twitter.com/7ZNmp2BDDq
— Megh Updates 🚨™ (@MeghUpdates) September 20, 2024
હિઝબુલ્લાએ એ પણ સ્પષ્ટ કર્યું છે કે દક્ષિણ લેબેનોનમાં ગામડાઓ અને ઘરો પર ઇઝરાયેલના હુમલાના બદલામાં આ રોકેટ છોડવામાં આવ્યા હતા. લેબનોન સ્થિત આતંકવાદી જૂથ હિઝબુલ્લાહના નેતા હસન નસરાલ્લાહે પણ ગુરુવારે ચેતવણી આપી હતી. તેમણે કહ્યું કે આ અઠવાડિયે સંદેશાવ્યવહાર સાધનો પરનો જીવલેણ હુમલો એ એક ગંભીર ફટકો હતો જેણે તમામ મર્યાદાઓ વટાવી દીધી હતી. નસરાલ્લાહે એમ પણ કહ્યું હતું કે જૂથ વધુ મજબૂત બનશે અને ઉત્તર ઇઝરાયેલમાં તેના હુમલા ચાલુ રાખશે. નસરાલ્લાહે અજ્ઞાત સ્થળેથી એક વિડિયો બહાર પાડ્યો જે ટેલિવિઝન પર પ્રસારિત થયો.
આ અઠવાડિયે લેબનોન અને સીરિયામાં પેજર અને અન્ય સંચાર સાધનોના વિસ્ફોટ બાદ આશંકા વધી રહી છે કે બંને પક્ષો વચ્ચે 11 મહિનાથી ચાલેલી ગોળીબાર મોટા યુદ્ધમાં ફેરવાઈ જશે. નોંધનીય છે કે, સંદેશાવ્યવહાર સાધનોમાં વિસ્ફોટોમાં 37 લોકો માર્યા ગયા હતા અને લગભગ 3,000 ઘાયલ થયા હતા. આ અંગે નસરાલ્લાએ કહ્યું કે જૂથ 2 દિવસથી આ હુમલો કેવી રીતે કરવામાં આવ્યો તેની તપાસ કરી રહ્યું છે. એવું માનવામાં આવે છે કે આ હુમલો ઇઝરાયેલ દ્વારા કરવામાં આવ્યો હતો. થોડા સમય પહેલા, હિઝબુલ્લાએ કહ્યું હતું કે તેણે સરહદ નજીક ઉત્તરી ઇઝરાયેલમાં 3 લશ્કરી લક્ષ્યોને નિશાન બનાવ્યા હતા, જેમાંથી 2 ડ્રોન દ્વારા કરવામાં આવ્યા હતા, પરંતુ ઇઝરાયેલી સેનાએ જણાવ્યું કે ડ્રોન સેટલમેન્ટની નજીક ક્રેશ થયું હતું.
