‘Hello from the Melody team…’, મોદી સાથે મેલોનીએ શેર કર્યો વીડિયો
India-Italy Relations: G-7 સમિટ દરમિયાન વડાપ્રધાન નરેન્દ્ર મોદી અને ઈટાલિયન પીએમ જ્યોર્જિયા મેલોનીનો એક વીડિયો સોશિયલ મીડિયા પર ખૂબ શેર થઈ રહ્યો છે. PM મેલોનીએ પોતે X પર આ વાત શેર કરી છે. 5 સેકન્ડના આ વીડિયોમાં પીએમ સાથે હાથ મિલાવતી વખતે તે કહે છે, ‘હેલો ફ્રોમ ધ મેલોડી ટીમ’
આ વીડિયોને 2.3 મિલિયન વ્યૂઝ મળી ચૂક્યા છે. જ્યારે તેને 32 હજાર લોકોએ રીટ્વીટ કર્યું હતું. આ વીડિયોને 9 હજારથી વધુ કમેન્ટ્સ મળી છે અને 1 લાખ 20 હજાર લોકોએ તેને લાઈક કર્યો છે. મીડિયા રિપોર્ટ્સ અનુસાર ગયા વર્ષે વડાપ્રધાન મોદી અને મેલોની વચ્ચેની દ્વિપક્ષીય બેઠક બાદ ‘મેલોડી’ શબ્દ સોશિયલ મીડિયા પર વાયરલ થયો હતો. કહેવાય છે કે બંને નેતાઓના નામને જોડીને મેલોડી શબ્દ બન્યો છે.
ગયા વર્ષે પણ દુબઈમાં COP28 ક્લાઈમેટ સમિટ દરમિયાન બંને નેતાઓની સેલ્ફી ઈન્ટરનેટ પર વ્યાપકપણે શેર કરવામાં આવી હતી. PM મેલોનીએ ફોટો સાથે કેપ્શન લખ્યું હતું, ‘COP28માં સારા મિત્રો #Melody.’
Hi friends, from #Melodi pic.twitter.com/OslCnWlB86
— Giorgia Meloni (@GiorgiaMeloni) June 15, 2024
તમને જણાવી દઈએ કે ઈટાલીના પીએમના આમંત્રણ પર વડાપ્રધાન મોદી જી-7 સમિટમાં ભાગ લેવા ઈટાલી ગયા હતા. સતત ત્રીજી વખત વડાપ્રધાન બન્યા બાદ આ તેમની પ્રથમ વિદેશ યાત્રા હતી. શુક્રવારે બંને નેતાઓ વચ્ચે બેઠક યોજાઈ હતી જેમાં વિવિધ વૈશ્વિક મુદ્દાઓ પર ચર્ચા કરવામાં આવી હતી. આ દરમિયાન મોદીએ G7 સમિટમાં આમંત્રણ આપવા બદલ ઈટાલીના વડાપ્રધાનનો આભાર માન્યો હતો. ભારત-પશ્ચિમ એશિયા-યુરોપ ઇકોનોમિક કોરિડોર સહિત વૈશ્વિક મંચો અને બહુપક્ષીય દરખાસ્તોમાં સહકારને મજબૂત કરવા સંમત થયા.
વિદેશ મંત્રાલયે એક નિવેદનમાં જણાવ્યું હતું કે નેતાઓએ ખુલ્લા અને મુક્ત ઈન્ડો-પેસિફિક ક્ષેત્ર માટે તેમના સહિયારા વિઝનને પૂર્ણ કરવા માટે પ્રતિબદ્ધતા દર્શાવી હતી અને ભારત-પશ્ચિમ એશિયા-યુરોપ આર્થિક કોરિડોર પર પણ ચર્ચા કરી હતી.
