300 ગામ ડૂબ્યાં… બિહારમાં 274 શાળાઓ બંધ, UP સહિત દેશભરમાં ભારે વરસાદથી સ્થિતિ ખરાબ
Heavy Rain: દેશના અનેક રાજ્યોમાં ભારે વરસાદને કારણે હાહાકાર મચી ગયો છે. ભારે વરસાદના કારણે જનજીવન ખોરવાઈ ગયું છે. યુપી સહિત ઘણા રાજ્યોમાં છેલ્લા કેટલાક દિવસોથી સતત વરસાદ પડી રહ્યો છે. બિહારમાં તો સ્થિતિ વધુ ખરાબ છે. અહીં પૂરના કારણે 274 શાળાઓ બંધ કરવામાં આવી છે. 20 શાળાઓ સંપૂર્ણપણે પાણીમાં ડૂબી ગઈ છે. બુધવારથી પરીક્ષાઓ શરૂ થવાની હતી પરંતુ પૂરના કારણે પરીક્ષા હાલ પુરતી મુલતવી રાખવામાં આવી છે.
યુપીના 24 જિલ્લામાં પૂર જેવી સ્થિતિ છે. અહીંના સેંકડો ગામો પૂરથી પ્રભાવિત છે. યુપીમાં ઘાઘરા, ગંડક, ગંગા, વરુણા નદીઓ ઉછળી રહી છે. ગોંડા જિલ્લાના 35 ગામો સંપૂર્ણપણે પાણીમાં ડૂબી ગયા છે. જેના કારણે સામાન્ય જનજીવન પ્રભાવિત થઈ રહ્યું છે. બીજી તરફ અયોધ્યામાં સરયૂ નદીમાં ઉછાળો જોવા મળી રહ્યો છે. લખીમપુર ખેરીના ઘણા ગામોનો જિલ્લા મુખ્યાલય સાથે સંપર્ક તૂટી ગયો છે. યુપીના લગભગ 300 ગામો સંપૂર્ણપણે પાણીમાં ડૂબી ગયા છે. પ્રયાગરાજ, ઇટાવા અને મિર્ઝાપુરમાં 8મી સુધીની શાળાઓ બંધ કરી દેવામાં આવી છે. બીજી તરફ કાશીમાં ગંગા ખતરાના નિશાનની નજીક વહી રહી છે.
उत्तर प्रदेश के प्रयागराज में बाढ़ के पानी से मचा कोहराम…
– बाढ़ इतनी है कि बुलडोजर भी डूबा पड़ा है.#UttarPradesh #Prayagraj #Flood #WaterLogging #viralvideo #Buldozer #Nedricknews pic.twitter.com/pNOi8qQjE2— Nedrick News (@nedricknews) September 18, 2024
હિમાચલમાં વરસાદને કારણે 50 રસ્તાઓ બંધ
હિમાચલ પ્રદેશમાં અવિરત વરસાદને કારણે બુધવારે 50 રસ્તાઓ બંધ કરી દેવામાં આવ્યા હતા. રાજ્યના કેટલાક જિલ્લાઓમાં હળવો વરસાદ થયો છે. હિમાચલમાં વરસાદને કારણે અત્યાર સુધીમાં 172 લોકોના મોત થયા છે. જ્યારે 30 લોકો હજુ પણ લાપતા છે. ઝારખંડ અને બંગાળના અનેક જિલ્લા પૂરની ઝપેટમાં છે. ઓડિશાના 250 ગામોમાં પૂરના પાણી ઘૂસી ગયા છે.
Floods in Saran and Begusarai in Bihar due to rise in water levels of Sarayu river in Uttar Pradesh #flooding #floods #Bihar #Patna #Begusarai #Saran
Video : AIR Patna pic.twitter.com/ns5qjupFqB— With Love, Bihar (@withLoveBihar) September 18, 2024
દક્ષિણ બંગાળના ઘણા જિલ્લાઓમાં પૂરના કારણે સ્થિતિ વણસી
દક્ષિણ બંગાળના ઘણા જિલ્લાઓમાં પૂરના કારણે સ્થિતિ ખરાબ છે. અહીંના બેરેજ અને ડેમ પાણીથી ભરાઈ ગયા છે. અનેક જિલ્લાઓમાં પૂર જેવી સ્થિતિ યથાવત છે. દામોદર વેલી કોર્પોરેશનના બેરેજમાંથી પાણી છોડવામાં આવ્યું છે. જેના કારણે આગામી 2-3 દિવસ સુધી સ્થિતિ ખરાબ રહેવાની સંભાવના છે.
આ પણ વાંચો: તિરુપતિ મંદિરના પ્રસાદમાં પ્રાણીઓની ચરબી… નાયડુએ હિન્દુઓની આસ્થાને ઠેસ પહોંચાડી – સુબ્બા રેડ્ડી
